Umfjöllun og viðtöl: Akureyri - HK 23-26 Birgir H. Stefánsson í Höllinni skrifar 6. desember 2012 14:54 Íslandsmeistarar HK fóru sigurferð norður yfir heiðar í kvöld er þeir mættu Akureyri sem var í öðru sæti deildarinnar fyrir leikinn. Leikurinn fór nokkuð rólega af stað og var leikur beggja liða nokkuð hægur og frekar óspennandi fyrir augað. Jafnræði var með liðum fram á 15. mínútu fyrri hálfleiks en þá tók við afar sérstakur kafli. Heimamenn virtust hreinlega sofna inn á vellinum en sóknarleikur þeirra var algjörlega út á þekju, ef þeir voru ekki að gera klaufaleg mistök og kasta boltanum frá sér þá var það vörnin eða Arnór Freyr í marki HK sem varði skot leikmanna Akureyrar. Þegar dómarar leiksins flautuðu svo til hálfleiks voru gestirnir komnir sjö mörkum yfir. Heimamenn voru aðeins búnir að skora eitt mark á fimmtán mínútum og það á heimavelli ásamt því að varnarmenn HK voru með fleiri varða bolta en Jovan Kukobat í marki Akureyrar. Gera má ráð fyrir að nokkur vel valin orð hafi verið látin falla í hálfleik. Ræðan virtist ekki hafa skilað miklu því Akureyringar mættu lítið ferskari inn í upphaf síðari hálfleiksins. Það var ekki fyrr en um tíu mínútur voru liðnar af hálfleiknum að heimamenn mættu aftur til leiks. Sóknarleikur HK fór að hökta og Akureyringar gengu á lagið og skoruðu fjögur mörk í röð, húsið lifnaði við og allt virðist stefna í hörku spennandi lokakafla. Nær náðu þó heimamenn ekki að komast fyrr en á síðustu mínútu leiksins þegar Bjarni Fritzson skoraði úr víti en Bjarki Már Elísson skoraði síðasta mark leiksins sem endaði 23-26. Nokkuð sannfærandi og öruggur sigur HK sem gerðu nánast allt rétt í kvöld og þá sérstaklega þegar það kemur að varnarleik en það sama verður ekki sagt um heimamenn sem voru langt frá sínu besta fyrir utan einstaka spretti. Atli Karl Bachmann: Ekki annað hægt en að vera sáttur „Þetta er bara mjög gott og frábært að koma og spila hér,“ sagði Atli Karl Bachmann brosmildur eftir leik með poka af góðgæti sem hann fékk fyrir það að vera maður leiksins úr liði HK. „Það er ennþá betra að vinna hérna. Við vorum að spila mjög vel í fyrri hálfleik en missum þetta aðeins niður í seinni, náðum þó að klára þetta.“ Atli Karl stóð sig virkilega vel í leiknum enda maður leiksins að mati heimamanna með sjö mörk úr níu skotum. „Það er ekki annað hægt en að vera sáttur. Það eru að koma jól og ég sé ekki betur en að það sé hangikjöt hérna í pokanum og svona.“ Ó lafur Víðir kom aftur inn í lið HK og spilaði mjög vel á miðjum vellinum sem Atli Karl naut góðs af, skiptir hann svona miklu máli fyrir liðið? „Já, en það skiptir samt ekki öllu hver er að spila inn á miðju en Ólafur er með það mikla reynslu og leikskilning. Hann kann þetta alveg og það er betra að hafa hans reynslu í svona leikjum.“ Kristinn Guðmundsson: Fyrst og fremst sigur liðsheildar „Ég er bara fyrst og fremst bara mjög ánægður með liðið mitt,“ sagði Kristinn Guðmundsson þjálfari HK sáttur eftir leik. „Við erum að spila frábæran varnarleik allan leikinn og erum að refsa þeim vel í bakið í fyrri hálfleik og svona upphafi seinni hálfleiks. Síðan förum við að hanga aðeins of mikið á þessu og það er hættulegt hér á Akureyri. Við hleyptum þeim nálægt okkur og óþarflega nálægt en náðum samt alltaf að halda okkur í bílstjórasætinu samt sem áður.“ Það leit út fyrir það á köflum að Akureyringar ætluðu að koma sér aftur inn í leikinn en ungu leikmenn HK stóðu pressuna af sér og héldu haus. „Já, Garðar og Atli Karl áttu frábæran leik í dag. Ólafur Víðir stjórnar þeim virkilega vel og Bjarki skilar alltaf sínu. Þetta er fyrst og fremst sigur liðsheildar held ég, varnarleiks og frábærrar markvörslu.“ Það var nokkuð sérstök staða í hálfleik en þá hafði vörn HK varið jafn mörg skot og markmaður Akureyrar. „Við vitum alveg hvaða lið við erum með í höndum. Við erum frábærir varnarlega þegar við höfum fyrir því og hefðum stundum mátt skipta. Ungir strákar eins og Tryggvi, Garðar og Kristján allir að koma inn í bakvörðinn og standa sig frábærlega. Þetta er bara strúktúr sem er að byggjast upp hjá okkur.“ Sævar Árnason: Vil biðja fólk afsökunar „Ég vil eiginlega bara biðja fólk afsökunar á þessu og þá sérstaklega á þessum fyrri hálfleik,“ sagði Sævar Árnason aðstoðarþjálfari Akureyrar eftir leik. „Barnaleg mistök hvað eftir annað sem gáfu þeim leikinn algjörlega. Við reyndum að berjast til baka en þegar við eygðum von þá bara köstuðum við því frá okkur sjálfir. Við getum engum kennt um nema okkar getuleysi.“ Það átti sér stað afar sérstakur kafli í fyrri hálfleiknum þar sem heimamenn náðu aðeins að skora eitt mark á fimmtán mínútum. Kláraðist leikurinn á þeim kafla? „Við byrjuðum þetta fínt og mér fannst við hafa átt að vera með meira forskot þar sem þeir voru að kasta boltanum frá sér hvað eftir annað þarna í byrjun. Ég veit ekki hvort að menn hafi þá haldið að þetta yrði bara eitthvað létt og slökktu gjörsamlega á sjálfum sér. Það var þvílík hörmung að ég hef jafnvel aldrei séð annað eins, bara skammarlegt, því miður.“ Akureyringar virtust ætla að ná að vinna sig inn í leikinn aftur en þetta margfræga síðasta skref reyndist þeim sérstaklega erfitt í kvöld. „Já, eins og ég sagði þá börðumst við í vörninni og hún stóð ágætlega. Við fengum ágæta markvörslu frá Tómasi og vorum að komast inn í þetta. En þegar við gátum nálgast þá meira þá gerðum við mistök. Við látum reka okkur útaf, missum menn framhjá okkur og tökum fáránlegar ákvarðanir sóknarlega. Þetta var algjörlega bara af okkar hálfu sem við töpum þessu.“ Olís-deild karla Mest lesið Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Refsing fyrir að blóta gæti flýtt fyrir því að Verstappen hætti Formúla 1 Marlena er sigurvegari Bakgarðshlaupsins Sport Liðsfélagi Arnórs með bitför eftir andstæðing Fótbolti Sögulegur dagur er Thelma sópaði til sín gullverðlaunum Sport Arteta vildi ekki tjá sig um rauða spjaldið Fótbolti Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Íslenski boltinn Atlético Madrid gerði enn eitt jafnteflið Fótbolti „Hún var frábær eiginkona, mögnuð móðir sem og amma“ Fótbolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Íslandsmeistarar HK fóru sigurferð norður yfir heiðar í kvöld er þeir mættu Akureyri sem var í öðru sæti deildarinnar fyrir leikinn. Leikurinn fór nokkuð rólega af stað og var leikur beggja liða nokkuð hægur og frekar óspennandi fyrir augað. Jafnræði var með liðum fram á 15. mínútu fyrri hálfleiks en þá tók við afar sérstakur kafli. Heimamenn virtust hreinlega sofna inn á vellinum en sóknarleikur þeirra var algjörlega út á þekju, ef þeir voru ekki að gera klaufaleg mistök og kasta boltanum frá sér þá var það vörnin eða Arnór Freyr í marki HK sem varði skot leikmanna Akureyrar. Þegar dómarar leiksins flautuðu svo til hálfleiks voru gestirnir komnir sjö mörkum yfir. Heimamenn voru aðeins búnir að skora eitt mark á fimmtán mínútum og það á heimavelli ásamt því að varnarmenn HK voru með fleiri varða bolta en Jovan Kukobat í marki Akureyrar. Gera má ráð fyrir að nokkur vel valin orð hafi verið látin falla í hálfleik. Ræðan virtist ekki hafa skilað miklu því Akureyringar mættu lítið ferskari inn í upphaf síðari hálfleiksins. Það var ekki fyrr en um tíu mínútur voru liðnar af hálfleiknum að heimamenn mættu aftur til leiks. Sóknarleikur HK fór að hökta og Akureyringar gengu á lagið og skoruðu fjögur mörk í röð, húsið lifnaði við og allt virðist stefna í hörku spennandi lokakafla. Nær náðu þó heimamenn ekki að komast fyrr en á síðustu mínútu leiksins þegar Bjarni Fritzson skoraði úr víti en Bjarki Már Elísson skoraði síðasta mark leiksins sem endaði 23-26. Nokkuð sannfærandi og öruggur sigur HK sem gerðu nánast allt rétt í kvöld og þá sérstaklega þegar það kemur að varnarleik en það sama verður ekki sagt um heimamenn sem voru langt frá sínu besta fyrir utan einstaka spretti. Atli Karl Bachmann: Ekki annað hægt en að vera sáttur „Þetta er bara mjög gott og frábært að koma og spila hér,“ sagði Atli Karl Bachmann brosmildur eftir leik með poka af góðgæti sem hann fékk fyrir það að vera maður leiksins úr liði HK. „Það er ennþá betra að vinna hérna. Við vorum að spila mjög vel í fyrri hálfleik en missum þetta aðeins niður í seinni, náðum þó að klára þetta.“ Atli Karl stóð sig virkilega vel í leiknum enda maður leiksins að mati heimamanna með sjö mörk úr níu skotum. „Það er ekki annað hægt en að vera sáttur. Það eru að koma jól og ég sé ekki betur en að það sé hangikjöt hérna í pokanum og svona.“ Ó lafur Víðir kom aftur inn í lið HK og spilaði mjög vel á miðjum vellinum sem Atli Karl naut góðs af, skiptir hann svona miklu máli fyrir liðið? „Já, en það skiptir samt ekki öllu hver er að spila inn á miðju en Ólafur er með það mikla reynslu og leikskilning. Hann kann þetta alveg og það er betra að hafa hans reynslu í svona leikjum.“ Kristinn Guðmundsson: Fyrst og fremst sigur liðsheildar „Ég er bara fyrst og fremst bara mjög ánægður með liðið mitt,“ sagði Kristinn Guðmundsson þjálfari HK sáttur eftir leik. „Við erum að spila frábæran varnarleik allan leikinn og erum að refsa þeim vel í bakið í fyrri hálfleik og svona upphafi seinni hálfleiks. Síðan förum við að hanga aðeins of mikið á þessu og það er hættulegt hér á Akureyri. Við hleyptum þeim nálægt okkur og óþarflega nálægt en náðum samt alltaf að halda okkur í bílstjórasætinu samt sem áður.“ Það leit út fyrir það á köflum að Akureyringar ætluðu að koma sér aftur inn í leikinn en ungu leikmenn HK stóðu pressuna af sér og héldu haus. „Já, Garðar og Atli Karl áttu frábæran leik í dag. Ólafur Víðir stjórnar þeim virkilega vel og Bjarki skilar alltaf sínu. Þetta er fyrst og fremst sigur liðsheildar held ég, varnarleiks og frábærrar markvörslu.“ Það var nokkuð sérstök staða í hálfleik en þá hafði vörn HK varið jafn mörg skot og markmaður Akureyrar. „Við vitum alveg hvaða lið við erum með í höndum. Við erum frábærir varnarlega þegar við höfum fyrir því og hefðum stundum mátt skipta. Ungir strákar eins og Tryggvi, Garðar og Kristján allir að koma inn í bakvörðinn og standa sig frábærlega. Þetta er bara strúktúr sem er að byggjast upp hjá okkur.“ Sævar Árnason: Vil biðja fólk afsökunar „Ég vil eiginlega bara biðja fólk afsökunar á þessu og þá sérstaklega á þessum fyrri hálfleik,“ sagði Sævar Árnason aðstoðarþjálfari Akureyrar eftir leik. „Barnaleg mistök hvað eftir annað sem gáfu þeim leikinn algjörlega. Við reyndum að berjast til baka en þegar við eygðum von þá bara köstuðum við því frá okkur sjálfir. Við getum engum kennt um nema okkar getuleysi.“ Það átti sér stað afar sérstakur kafli í fyrri hálfleiknum þar sem heimamenn náðu aðeins að skora eitt mark á fimmtán mínútum. Kláraðist leikurinn á þeim kafla? „Við byrjuðum þetta fínt og mér fannst við hafa átt að vera með meira forskot þar sem þeir voru að kasta boltanum frá sér hvað eftir annað þarna í byrjun. Ég veit ekki hvort að menn hafi þá haldið að þetta yrði bara eitthvað létt og slökktu gjörsamlega á sjálfum sér. Það var þvílík hörmung að ég hef jafnvel aldrei séð annað eins, bara skammarlegt, því miður.“ Akureyringar virtust ætla að ná að vinna sig inn í leikinn aftur en þetta margfræga síðasta skref reyndist þeim sérstaklega erfitt í kvöld. „Já, eins og ég sagði þá börðumst við í vörninni og hún stóð ágætlega. Við fengum ágæta markvörslu frá Tómasi og vorum að komast inn í þetta. En þegar við gátum nálgast þá meira þá gerðum við mistök. Við látum reka okkur útaf, missum menn framhjá okkur og tökum fáránlegar ákvarðanir sóknarlega. Þetta var algjörlega bara af okkar hálfu sem við töpum þessu.“
Olís-deild karla Mest lesið Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Refsing fyrir að blóta gæti flýtt fyrir því að Verstappen hætti Formúla 1 Marlena er sigurvegari Bakgarðshlaupsins Sport Liðsfélagi Arnórs með bitför eftir andstæðing Fótbolti Sögulegur dagur er Thelma sópaði til sín gullverðlaunum Sport Arteta vildi ekki tjá sig um rauða spjaldið Fótbolti Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Íslenski boltinn Atlético Madrid gerði enn eitt jafnteflið Fótbolti „Hún var frábær eiginkona, mögnuð móðir sem og amma“ Fótbolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Íslenski boltinn
Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Íslenski boltinn