Handbolti

Alfa Brá og Katrín Anna í lands­liðið

Sindri Sverrisson skrifar
Thea Imani Sturludóttir er á sínum stað í íslenska landsliðshópnum.
Thea Imani Sturludóttir er á sínum stað í íslenska landsliðshópnum. vísir/Anton

Arnar Pétursson, þjálfari A-landsliðs kvenna í handbolta, hefur valið sextán leikmenn í landsliðshóp fyrir æfingamót í Tékklandi síðar í þessum mánuði.

Ísland spilar þrjá leiki á mótinu, gegn Tékklandi, Egyptalandi og Póllandi. Spilað verður í borginni Cheb dagana 26.-29. september en íslenska liðið mun koma saman til æfinga Íslandi 20. september og svo halda af landi brott 25. september.

Í íslenska hópnum núna eru tveir leikmenn sem ekki hafa spilað A-landsleik, en það eru þær Alfa Brá Hagalín Oddsdóttir úr Fram og Katrín Anna Ásmundsdóttir úr Gróttu. Báðar voru einnig valdar í landsliðshóp fyrr á þessu ári en eiga enn eftir að spila sinn fyrsta leik.

Mótið í Tékklandi markar byrjunina á undirbúningi fyrir lokakeppni EM í lok nóvember. Ísland mun einnig spila tvo vináttuleiki við Pólland á heimavelli, 25. og 26. október.

Íslenski hópurinn:

Markverðir:

Elín Jóna Þorsteinsdóttir, Aarhus Håndbold (58/2)

Hafdís Renötudóttir, Valur (57/4)

Aðrir leikmenn:

Alfa Brá Hagalín Oddsdóttir, Fram (0/0)

Andrea Jakobsen, HSG Blomberg-Lippe (51/76)

Díana Dögg Magnúsdóttir, HSG Blomberg-Lippe (51/71)

Eín Rósa Magnúsdóttir, Valur (18/43)

Elín Klara Þorkelsdóttir, Haukar (11/19)

Elísa Elíasdóttir, Valur (14/13)

Jóhanna Margrét Sigurðardóttir, Kristianstad HK (14/11)

Katrín Anna Ásmundsdóttir, Grótta (0/0)

Lilja Ágústsdóttir, Valur (23/18)

Perla Rut Albertsdóttir, Selfoss (47/88)

Steinunn Björnsdóttir, Fram (46/60)

Sunna Jónsdóttir, ÍBV (89/65)

Thea Imani Sturludóttir, Valur (77/169)

Þórey Rósa Stefánsdóttir, Fram (136/398)

Landslið kvenna í handbolta

Mest lesið


Fleiri fréttir

Sjá meira


×

Mest lesið