Tveir nýir frá Hyundai og ný fólksbílalína frá Renault

Tveir nýir bílar frá Hyundai koma til landsins nú í vetur. Þetta eru annars vegar ný kynslóð af fólksbílnum i30 og hins vegar glænýr bíll frá Hyundai sem heitir i40," segir Bjarni Sigurðsson, sölustjóri Hyundai og Renault hjá Ingvari Helgasyni og B&L.



Vinsæll bíll

i30 er að sögn Bjarna frábær bíll í alla staði. „Hann kemur í stað hins mjög svo áreiðanlega i30 bíls sem við höfum selt í miklu magni undanfarin ár," segir Bjarni. Hin nýja útgáfa hefur fengið fágað útlit en aðrar breytingar er ný 1,6 dísilvél sem skilar 126 hestöflum.

„Þrátt fyrir að vélin sé stærri mengar hún innan við 100g sem er besti árangur hjá nokkrum bílaframleiðanda í þessum stærðarflokki með þetta öfluga vél," upplýsir Bjarni. Hann segist bíða í ofvæni eftir að kynna nýja i30 til sögunnar en verðið verður frá 3.090.000 krónur miðað við núverandi forsendur.

i40 í stað Sonata

i40 er nýr bíll frá Hyundai sem kynntur verður til sögunnar í vetur. „Hyundai i40 tekur við af hinum mjög svo lofaða Hyundai Sonata, bíl sem fyrir löngu hefur sannað ágæti sitt og endingu meðal annars hjá leigubílstjórum," segir Bjarni. Hann telur i40 setja ný viðmið hjá Hyundai hvað varðar hönnun og glæsileika. „Þetta er bíll fyrir vandláta."

Uppgefin eyðsla á sjálfskiptum i40 með 136 hestafla dísilvél er ekki nema 5,1 lítri á hverja 100 km í langkeyrslu en beinskiptur fer hann í 4,1 lítra og mengar ekki nema 119g.

Ný fólksbílalína Renault

Ingvar Helgason og B&L kynnir nýja fólksbílalínu Renault laugardaginn 14. janúar næstkomandi.

„Þar ber helst að nefna hinn rúmgóða Renault Megane III Sport Tourer en það er þriðja kynslóð af skutbílaútfærslunni af Megane," segir Bjarni. Nýi bíllinn er nokkuð stærri en forverinn og er þarna á ferðinni fjölskyldubíll með miklu skottplássi. „Lítil eyðsla, hagstætt verð og mikið rekstraröryggi gerir þetta líklega að bestu bílakaupunum í dag," útskýrir hann.

Eyðslan á sjálfskipum dísil skutbíl er uppgefin aðeins 3,7 lítrar á hverja 100 km í langkeyrslu. „Eftir okkar bestu upplýsingum er hún sú lægsta sem þekkist hjá nokkrum sjálfskiptum bíl í þessum flokki," segir Bjarni og bætir við að bíllinn mengi lítið eða 110g, sé þar með visthæfur bíll hjá Reykjavíkurborg og fái því frítt í stæði ásamt því að greiða einungis lámarks bifreiðagjald eða 5.000 kr. tvisvar á ári. Sjálfskipt útgáfa bílsins kostar 3.690.000 kr. sem þykir afar hagstætt.

„Til stóð að kynna bílinn mun fyrr en þar sem allir bílar seldust áður en þeir komu til landsins var ákveðið að bíða með það þar til nægjanlegt magn væri komið í framleiðslu fyrir okkur til að anna eftirspurn."