Leikskólagjöld aftur lækkuð

Byggðaráð Vesturbyggðar hefur ákveðið „áherslubreytingar" í rekstri sveitarfélagsins fyrir árið 2012. Eru þær sagðar gerðar „í ljósi bættrar niðurstöðu í fjárhagsáætlun 2012 vegna niðurfellingar á láni í Landsbanka Íslands vegna stofnfjárbréfakaupa og endurfjármögnunar á lánum sveitarfélagsins".

Álögur á íbúana verða léttar með því annars vegar að draga til baka hækkun á leikskólagjöldum sem varð um áramót og hins vegar með því að fella niður innritunargjald í félagsstarf aldraðra.- gar