Þrjár konur, sem eru í rússnesku pönksveitinni Pussy Riot og hafa verið í haldi lögreglu í Moskvu frá því í mars, hafa hafið hungurverkfall.
Konurnar voru handteknar fyrir mótmæli gegn Vladimir Pútín Rússlandsforseta, en hafa einnig mótmælt stöðu kvenna í landinu. Varðhaldinu hefur verið mótmælt harðlega í Rússlandi.
Boðað hefur verið til samstöðumótmæla vegna málsins við rússneska sendiráðið í Reykjavík í dag klukkan 15.30. - þeb