Eignuðust litla stúlku

Sienna Miller og Tom Sturridge eignuðust sitt fyrsta barn um helgina. Talsmenn parsins hafa staðfest fréttirnar við E! News.

Stúlkan hefur fengið nafnið Marlow Sturridge, en meira vildu hinir nýbökuðu foreldrar ekki láta uppi. Parið trúlofaði sig í París um jólin og upplýsti Miller um óléttuna í Vogue UK í mars. „Mér líður vel og allt gengur sinn vanagang," sagði leikkonan á þeim tíma.

Miller var áður í stormasömu sambandi við leikarann Jude Law en tók saman við Sturridge í byrjun síðasta árs.