Vildi ekki semja um kvikmyndatónlist

Samningurinn við Universal felur ekki sér kvikmyndatónlist af neinu tagi. Ólafur hefur undanfarið látið að sér kveða sem kvikmyndatónskáld samhliða píanóskotinni sólótónlist sinni.

Hann samdi tónlistina við myndina Another Happy Day með Demi Moore í aðalhlutverki, auk þess sem lag hans Allt varð hljótt hljómaði í stórmyndinni The Hunger Games í sumar.

Upphaflega var hann í viðræðum um að semja alla tónlistina í myndinni en ekkert varð af því. „Ein af ástæðunum fyrir því að samningurinn tók svona langan tíma var að ég vildi hafa það algjörlega fyrir utan þennan samning, því ég er með svo fínan samning við umboðsmann í Hollywood fyrir kvikmyndirnar," segir Ólafur.