Mig dreymir um að ná afrekum Arnar Kolbeinn Tumi Daðason skrifar 15. desember 2012 09:00 Anton Sveinn McKee úr Ægi á HM í Tyrklandi. Mynd/AFP „Það var aukaplús að ná metinu en ég var langmest að pæla í því að bæta minn persónulega árangur," segir Anton Sveinn McKee, skriðsundskappi úr Ægi. Anton Sveinn hafnaði í 25. sæti í skriðsundinu og bætti Íslandsmet Arnar Arnarsonar frá því í Moskvu árið 2002 um tæpa sekúndu. Anton Sveinn kom í mark á tímanum 3:47.83 og bætti sig um fimm sekúndur. Hann segir bætinguna ekki hafa komið sér á óvart. „Allir mínir bestu tímar (innsk: í 25 metra laug) voru frá því á Norðurlandameistaramóti unglinga fyrir ári. Miðað við hvernig ég hef verið að æfa síðan þá vissi ég alveg að þetta gæti gerst." Anton Sveinn keppti í 100 metra bringusundi á miðvikudaginn og bætti tíma sinn í greininni. Hann keppir þó allajafna ekki í greininni. „Það var eiginlega bara upp á skemmtun og til að kynnast lauginni," segir Anton Sveinn sem leggur áherslu á skriðsundið og þá helst lengri vegalengdir. Íslandsmetin í 800 og 1500 metra sundi eru í hans eigu hvort sem er í 25 metra eða 50 metra laug. Rólegur og yfirvegaður fyrir sundin Anton Sveinn segist hafa verið vel stemmdur þegar hann stakk sér til sunds í Tyrklandi í gær. Misjafnt er hvernig íþróttafólk finnur sig á stóra sviðinu en Hafnfirðingurinn virðist njóta sín þar. „Þetta er það sem ég hef verið að undirbúa síðan ég fór á fyrstu Norðurlandamótin fjórtán eða fimmtán ára. Ég hef verið rosalega rólegur og yfirvegaður fyrir sundin. Ég veit hvað ég er kominn til að gera hérna. Ég ætla að bæta mig og ég hef gert það," segir Anton Sveinn. „Á Ólympíuleikunum og öðrum mótum hefur maður lært af reynslunni og veit hvernig maður á að haga sér í sundinu. Ég tek vel eftir því núna að þetta hefur skilað sér." Anton Sveinn keppir í sinni uppáhaldsgrein, 1500 metra skriðsundi, á sunnudaginn. „Það er frí á morgun (í dag) sem er rosalega vel þegið. Markmiðið er að komast eins langt undir fimmtán mínúturnar og hægt er. Ég á metið sjálfur svo ég keppi við sjálfan mig. Það er enginn aukabónus að ná einhverju meti," segir Anton og hlær. Íslandsmet Antons Sveins í greininni er 15:01.35 mínútur.Fjárhagslegan stuðning vantar Anton Sveinn er á lokaári sínu á náttúrufræðibraut í Verzló. Táningurinn æfir tvisvar á dag alla virka daga og segir lítinn tíma fyrir annað en sundið og skólann. Óvíst er hvað tekur við að lokinni útskrift í vor. „Möguleikarnir sem eru í boði hafa hver sína kosti og galla. Ef ég færi út í skóla myndi ég fórna góðum þjálfara sem hugar bara um þig. Hérna heima er fjárhagsstaðan hins vegar ekki sú besta. Maður gæti ekki verið í skóla með sundinu," segir Anton Sveinn sem segir þó efst á óskalistanum að vera heima. „Ég mun gera það ef allt gengur upp. Maður þyrfti að fá einhverja fjárhagslega styrki til þess að fljóta. Aðalástæðan fyrir því að maður gæti farið út er hvernig er haldið utan um þetta hér heima. Við erum með flotta æfingaaðstöðu en það vantar, eins og allir hafa talað um, aðhald hjá ríkinu og meiri stuðning við ÍSÍ. Það er það sem er ekki hvetjandi við að vera heima," segir Anton sem sett hefur stefnuna á Ólympíuleikana árið 2016. Í bili getur hann notið þess að hafa nælt í Íslandsmetið hans Arnar sem er óumdeilt sá Íslendingur sem hefur náð lengst í sundinu. „Afrek hans eru auðvitað eitthvað sem maður vill ná sjálfur. Að verða Evrópumeistari og ná Evrópumeti. Þetta er árangur sem maður lítur upp til og dreymir um að ná einn daginn." Sund Mest lesið Stúkan birti skilaboðin: „Mér finnst þetta ömurlegt“ Íslenski boltinn Sparkaði í brjóstin á mótherja sínum Fótbolti Kúluvarp á Extraleikunum: „Bara spurning hvort Andri fljúgi með kúlunni“ Sport Reiðir yfir að fá ekki heita sturtu og kvarta yfir Arsenal Fótbolti Valur og Sigurður Egill senda frá sér sameiginlega yfirlýsingu Íslenski boltinn Bruno segir að stuðningsfólk Liverpool hafi hjálpað United-liðinu Enski boltinn Hemmi Hreiðars orðaður við Val Íslenski boltinn NFL stjarna lést í fangaklefa Sport Klopp útskýrði af hverju hann hafnaði Man. Utd Enski boltinn Þurftu að aflýsa 24 þúsund manna maraþonhlaupi Sport Fleiri fréttir Svava Rós kveður fótboltann fyrir þrítugsafmælið Valur og Sigurður Egill senda frá sér sameiginlega yfirlýsingu Tryggvi frábær í öruggum Evrópusigri Barcelona - Olympiacos | Upphitun fyrir El Clásico NFL stjarna lést í fangaklefa Músin Ragnar og stemning Stólanna Keflavík fær erlendan leikmann „Stærri og sterkari en liðin sem við þekkjum hérna heima“ Ekki með allt þetta fína en ótrúlega tölfræði Hemmi Hreiðars orðaður við Val Thelmu tókst ekki að framkvæma Aðalsteinsdóttur: „Svona eru fimleikar“ Kúluvarp á Extraleikunum: „Bara spurning hvort Andri fljúgi með kúlunni“ Katrín kvödd með fallegum hætti: „Ég hef aldrei séð þetta áður“ Sjáðu þrumufleyg Fred og snöggt svar Stjörnunnar Klopp útskýrði af hverju hann hafnaði Man. Utd Enginn þjálfari hefur bæði byrjað og klárað Sambandsdeildina Íslenski Tígurinn vann æsispennandi mót í Mississippi Stúkan birti skilaboðin: „Mér finnst þetta ömurlegt“ „Oft séð svona í sjónvarpi“ og verður sjálfur á stóra skjánum Dyche snýr aftur í enska boltann Reiðir yfir að fá ekki heita sturtu og kvarta yfir Arsenal Sparkaði í brjóstin á mótherja sínum Bruno segir að stuðningsfólk Liverpool hafi hjálpað United-liðinu Dagskráin: Meistaradeild Evrópu, Lokasóknin, VARsjáin og Bónus kvenna Þurftu að aflýsa 24 þúsund manna maraþonhlaupi Sagðir vilja kaupa Man United með hjálp Beckham eða Cantona Katla fagnaði sitjandi á meðan liðsfélagarnir ærðust í kringum hana „Hættulegt að ætla að halda í jafntefli eða tapa bara með einu marki“ Viktor til liðs við frænda sinn og bróður Keflvíkingar komu til baka í seinni hálfleik Sjá meira
„Það var aukaplús að ná metinu en ég var langmest að pæla í því að bæta minn persónulega árangur," segir Anton Sveinn McKee, skriðsundskappi úr Ægi. Anton Sveinn hafnaði í 25. sæti í skriðsundinu og bætti Íslandsmet Arnar Arnarsonar frá því í Moskvu árið 2002 um tæpa sekúndu. Anton Sveinn kom í mark á tímanum 3:47.83 og bætti sig um fimm sekúndur. Hann segir bætinguna ekki hafa komið sér á óvart. „Allir mínir bestu tímar (innsk: í 25 metra laug) voru frá því á Norðurlandameistaramóti unglinga fyrir ári. Miðað við hvernig ég hef verið að æfa síðan þá vissi ég alveg að þetta gæti gerst." Anton Sveinn keppti í 100 metra bringusundi á miðvikudaginn og bætti tíma sinn í greininni. Hann keppir þó allajafna ekki í greininni. „Það var eiginlega bara upp á skemmtun og til að kynnast lauginni," segir Anton Sveinn sem leggur áherslu á skriðsundið og þá helst lengri vegalengdir. Íslandsmetin í 800 og 1500 metra sundi eru í hans eigu hvort sem er í 25 metra eða 50 metra laug. Rólegur og yfirvegaður fyrir sundin Anton Sveinn segist hafa verið vel stemmdur þegar hann stakk sér til sunds í Tyrklandi í gær. Misjafnt er hvernig íþróttafólk finnur sig á stóra sviðinu en Hafnfirðingurinn virðist njóta sín þar. „Þetta er það sem ég hef verið að undirbúa síðan ég fór á fyrstu Norðurlandamótin fjórtán eða fimmtán ára. Ég hef verið rosalega rólegur og yfirvegaður fyrir sundin. Ég veit hvað ég er kominn til að gera hérna. Ég ætla að bæta mig og ég hef gert það," segir Anton Sveinn. „Á Ólympíuleikunum og öðrum mótum hefur maður lært af reynslunni og veit hvernig maður á að haga sér í sundinu. Ég tek vel eftir því núna að þetta hefur skilað sér." Anton Sveinn keppir í sinni uppáhaldsgrein, 1500 metra skriðsundi, á sunnudaginn. „Það er frí á morgun (í dag) sem er rosalega vel þegið. Markmiðið er að komast eins langt undir fimmtán mínúturnar og hægt er. Ég á metið sjálfur svo ég keppi við sjálfan mig. Það er enginn aukabónus að ná einhverju meti," segir Anton og hlær. Íslandsmet Antons Sveins í greininni er 15:01.35 mínútur.Fjárhagslegan stuðning vantar Anton Sveinn er á lokaári sínu á náttúrufræðibraut í Verzló. Táningurinn æfir tvisvar á dag alla virka daga og segir lítinn tíma fyrir annað en sundið og skólann. Óvíst er hvað tekur við að lokinni útskrift í vor. „Möguleikarnir sem eru í boði hafa hver sína kosti og galla. Ef ég færi út í skóla myndi ég fórna góðum þjálfara sem hugar bara um þig. Hérna heima er fjárhagsstaðan hins vegar ekki sú besta. Maður gæti ekki verið í skóla með sundinu," segir Anton Sveinn sem segir þó efst á óskalistanum að vera heima. „Ég mun gera það ef allt gengur upp. Maður þyrfti að fá einhverja fjárhagslega styrki til þess að fljóta. Aðalástæðan fyrir því að maður gæti farið út er hvernig er haldið utan um þetta hér heima. Við erum með flotta æfingaaðstöðu en það vantar, eins og allir hafa talað um, aðhald hjá ríkinu og meiri stuðning við ÍSÍ. Það er það sem er ekki hvetjandi við að vera heima," segir Anton sem sett hefur stefnuna á Ólympíuleikana árið 2016. Í bili getur hann notið þess að hafa nælt í Íslandsmetið hans Arnar sem er óumdeilt sá Íslendingur sem hefur náð lengst í sundinu. „Afrek hans eru auðvitað eitthvað sem maður vill ná sjálfur. Að verða Evrópumeistari og ná Evrópumeti. Þetta er árangur sem maður lítur upp til og dreymir um að ná einn daginn."
Sund Mest lesið Stúkan birti skilaboðin: „Mér finnst þetta ömurlegt“ Íslenski boltinn Sparkaði í brjóstin á mótherja sínum Fótbolti Kúluvarp á Extraleikunum: „Bara spurning hvort Andri fljúgi með kúlunni“ Sport Reiðir yfir að fá ekki heita sturtu og kvarta yfir Arsenal Fótbolti Valur og Sigurður Egill senda frá sér sameiginlega yfirlýsingu Íslenski boltinn Bruno segir að stuðningsfólk Liverpool hafi hjálpað United-liðinu Enski boltinn Hemmi Hreiðars orðaður við Val Íslenski boltinn NFL stjarna lést í fangaklefa Sport Klopp útskýrði af hverju hann hafnaði Man. Utd Enski boltinn Þurftu að aflýsa 24 þúsund manna maraþonhlaupi Sport Fleiri fréttir Svava Rós kveður fótboltann fyrir þrítugsafmælið Valur og Sigurður Egill senda frá sér sameiginlega yfirlýsingu Tryggvi frábær í öruggum Evrópusigri Barcelona - Olympiacos | Upphitun fyrir El Clásico NFL stjarna lést í fangaklefa Músin Ragnar og stemning Stólanna Keflavík fær erlendan leikmann „Stærri og sterkari en liðin sem við þekkjum hérna heima“ Ekki með allt þetta fína en ótrúlega tölfræði Hemmi Hreiðars orðaður við Val Thelmu tókst ekki að framkvæma Aðalsteinsdóttur: „Svona eru fimleikar“ Kúluvarp á Extraleikunum: „Bara spurning hvort Andri fljúgi með kúlunni“ Katrín kvödd með fallegum hætti: „Ég hef aldrei séð þetta áður“ Sjáðu þrumufleyg Fred og snöggt svar Stjörnunnar Klopp útskýrði af hverju hann hafnaði Man. Utd Enginn þjálfari hefur bæði byrjað og klárað Sambandsdeildina Íslenski Tígurinn vann æsispennandi mót í Mississippi Stúkan birti skilaboðin: „Mér finnst þetta ömurlegt“ „Oft séð svona í sjónvarpi“ og verður sjálfur á stóra skjánum Dyche snýr aftur í enska boltann Reiðir yfir að fá ekki heita sturtu og kvarta yfir Arsenal Sparkaði í brjóstin á mótherja sínum Bruno segir að stuðningsfólk Liverpool hafi hjálpað United-liðinu Dagskráin: Meistaradeild Evrópu, Lokasóknin, VARsjáin og Bónus kvenna Þurftu að aflýsa 24 þúsund manna maraþonhlaupi Sagðir vilja kaupa Man United með hjálp Beckham eða Cantona Katla fagnaði sitjandi á meðan liðsfélagarnir ærðust í kringum hana „Hættulegt að ætla að halda í jafntefli eða tapa bara með einu marki“ Viktor til liðs við frænda sinn og bróður Keflvíkingar komu til baka í seinni hálfleik Sjá meira