Hneykslið hjá Banca Monte gæti skaðað orðspor Mario Draghi

Hneykslið sem nú skekur elsta banka heimsins, hinn ítalska Banca Montre dei Paschi, gæti haft áhrif á komandi þingkosningar á Ítalíu og það gæti einnig skaðað orðspor Mario Draghi bankastjóra Evrópska seðlabankans.

Í ljós er komið að Banca Monte þarf mikinn stuðing frá ítalska ríkinu til að halda sér á floti, eða 3,9 milljarða evra m.a. eftir að hafa tapað 720 milljónum evra eða 125 milljörðum króna á þremur afleiðuviðskiptum á árinum 2006 til 2009. Þetta tap var falið í bókhaldi bankans en er nú til rannsóknar hjá fjármálaeftirliti Ítalíu.

Draghi var seðlabankastjóri Ítalíu þegar þessi viðskipti áttu sér stað og stjórnarandstaðan spyr hvort hann hafi vitað af þessum viðskiptum.