Fékk pökk í andlitið en hélt áfram að lýsa

Íþróttafréttamaðurinn John Giannone í New York hlýtur að vera harðasti íþróttafréttamaðurinn í dag. Hann meiddist illa er hann var að lýsa íshokkýleik en hætti ekki að vinna.

Giannone var staðsettur á milli bekkjanna í leik NY Islanders og NY Rangers er hann fékk pökkinn í andlitið. Eins og flestir vita er pökkurinn glerharður og að fá hann í andlitið á fullri ferð er ekkert minna en stórhættulegt.

Giannone fékk pökkinn beint á nefið en hélt áfram að lýsa eins og ekkert væri.

"Blóðið bragðast vel," sagði Giannone léttur áður en hann þurrkaði blóðið framan úr sér.