Þó nú sé aðeins mánuður í að stangveiðitímabilið hefjist formlega eru enn víða útsölur. Veiðihornið, Krafla og Veiðivon eru með útsölur.
Í tilefni 15 ára afmælis Veiðihornsins býður verslunin 15 prósenta afslátt af öllum vörum þar til á fimmtudaginn, 7. mars. „Verslunin opnaði í febrúar árið 1998. Fyrst um sinn var Veiðihornið starfrækt í Hafnarstræti 5 en frá 2001 hefur Veiðihornið verið í Síðumúla 8 í Reykjavík," segir í tilkynningu.
Veiðiverslunin Krafla við Höfðabakka 3 er einnig með útsölu eða „Kröflugos" eins og það er kallað í tilkynningu. Útsölunni lýkur nú um helgina. Opið verður frá 11 til 16 á laugardaginn og 13 til 16 á sunnudaginn.
Loks má geta þess að í tengslum við bókamarkaðinn í Veiðivon, Mörkinni 6, er verslunin með fjölda vara á útsölu sem stendur til 16. mars.
