Einstakt klúður ef Stjarnan verður ekki Íslandsmeistari

KR-ingurinn Brynjar Þór Björnsson spáði í framhaldið í úrslitakeppni Dominos-deildar karla eftir tapið gegn Grindavík í gær.

Með sigrinum komst Grindavík í úrslitin þar sem liðið mætir annað hvort Stjörnunni eða Snæfelli. Stjarnan getur tryggt sér sæti í úrslitunum í kvöld.

Brynjar hefur trú á því að Stjörnuliðið fari alla leið í ár og setti talsverða pressu á liðið með sterkum ummælum sínum.

"Ég hef meiri trú á Stjörnunni því þeir eru að spila virkilega vel. Þeir eru með frábært lið og það væri einstakt klúður hjá Stjörnunni ef þeir yrðu ekki Íslandsmeistarar," sagði Brynjar Þór.