Körfubolti

Við erum Gullskeiðin

Eiríkur Stefán Ásgeirsson skrifar
Grindvíkingurinn Sigga fór fremst í flokki í kvöld eins og svo oft áður.
Grindvíkingurinn Sigga fór fremst í flokki í kvöld eins og svo oft áður. Mynd/Daníel
Sverrir Þór Sverrisson, þjálfari Grindavíkur, var kampakátur eftir að hans menn urðu Íslandsmeistarar í körfubolta eftir sigur á Stjörnunni.

„Við vorum með þetta lengst af. Svo komast þeir inn í leikinn. Það var skemmtun að klára leikinn svona,“ sagði Sverrir í samtali við Stöð 2 Sport eftir leik og hrósaði sérstaklega Ómari Erni Sævarssyni.

Ómar Örn var dæmdur í sex mánaða bann fyrr í vetur eftir að hann féll á lyfjaprófi. Hann hafði tekið inn ólögleg lyf með því að drekka orkudrykk.

„Ég verð samt að fá að segja að Ómar á stóran þátt í þessu. Hann er frábær leikmaður og gríðarlega mikilvægur í okkar hóp. Hann var dæmdur í bann og fékk því ekki að spila.“

„Ég vil koma því á framfæri að hann á stóran þátt í þessu.“

„Þetta er snilld. Silfurskeið Stjörnunnar er frábær og öflug. Ég held að okkar sveit sé gullskeiðin.“

Ítarleg umfjöllun um leikinn og fleiri viðtöl má finna í fréttinni hér fyrir neðan.

Dominos-deild karla

Tengdar fréttir

Umfjöllun: Grindavík Íslandsmeistari eftir æsilegan oddaleik

Grindavík varð í kvöld Íslandsmeistari í körfubolta eftir magnaðan sigur, 79-74, á Stjörnunni í hreinum úrslitaleik um titilinn. Grindvíkingar voru sterkari lungann af leiknum en Stjörnumenn komu sterkir til baka í lokaleikhlutanum. Það reyndist ekki vera nóg og Grindvíkingar fögnuðu sem óðir í Röstinni í kvöld. Þetta var í fyrsta skipti sem Grindavík tryggir sér Íslandsmeistaratitilinn í Röstinni í Grindavík. Liðið náði því að verja titilinn frá því í fyrra sem er mikið afrek.

Mest lesið


Fleiri fréttir

Sjá meira


×

Mest lesið