AC Milan ætlar að sekta Balotelli

Mario Balotelli kemst ekki í gegnum einn leik með AC Milan án þess að komast í einhvers konar vandræði. Nú ætlar félagið að refsa honum.

Balotelli tryggði Milan sigur gegn Torino með marki undir lokin og fagnaði með því að fara úr treyjunni og fá enn eitt spjaldið.

"Ég er sáttur á meðan hann skorar oftar en hann fer úr treyjunni. Það er ekki ásættanlegt að hann safni spjöldum á þennan hátt. Sérstaklega miðað við launin sem hann er á," sagði Adriano Galliani, stjórnarformaður Milan, en Balotelli er búinn að skora níu mörk í tíu leikjum fyrir félagið.

"Við erum annars ánægðir með Mario. Hann er stuðningsmaður Milan og það hjálpar."