Ég heiti Dagur og ég er drusla. 27. júlí 2013 18:40 Vísir birtir hér ræðu Dags B. Eggertssonar sem hann flutti í tilefni af Druslugöngunni, 27. júlí 2013. Komið þið sæl! /Til hamingju með daginn! Það er mér sannur heiður að vera hérna með ykkur. Ég heiti Dagur og ég er drusla. Ég vil taka ofan fyrir skipuleggjendum þessarar göngu. Hún gerir borgina okkar betri, opnari, sterkari, frjálsari, mannlegri og öruggari. Ég vil taka ofan fyrir þeim sem hafa rofið þögnina að undanförnu María Rut Kristinsdóttir, Auður Kolbrá Birgisdóttir, Guðný Jóna Kristjánsdóttir, Eiríkur Guðbergur Stefánsson, Hilmar Örn Þorbjörnsson, Hildur Lillendahl, Sveinn Rúnar Einarsson, Þórdís Elva Þorvaldsdóttir. Þið eruð miklu fleiri, þið eruð mörg og þið eruð sterk. Ykkar er heiðurinn, en ekki skömmin og við stöndum hundrað prósent með ykkur. Það er mér heiður að fá að tala við ykkur í dag, en sú hugsun er nærri að ég eigi það ekki skilið.Umbótaöflin hafa reynst sterk Ég vil því að við horfum í kringum okkur hér í dag, með stolti, kynnum okkur fyrir næsta manni, gefum hvort öðru knús ef okkur líður þannig, en munum líka eftir fólkinu sem ruddi brautina gegn kynferðisofbeldi og skömm í samfélaginu. Ásta Sigurðardóttir, Kvennaathvarfið, Kvennaráðgjöfin, Telma Ásdísardóttir, Drekaslóð, Guðrún Jónsdóttir, Stígamót , Jón Sæmundur Auðarsson, Sigrún Pálína Ingvarsdóttir, Guðrún Ebba Ólafsdóttir, Breiðavíkurdrengirnir. Listinn er langur. Og miklu lengri en þetta. En umbótaöflin hafa líka reynst sterk, einsog við sýnum hér í dag. Rauðsokkur, Kvennaframboðið og Kvennalistinn, Feministafélagið, karlahópur Feministafélagsins og Karlar segja Nei við nauðgunum, SASA – samtök karla og kvenna sem hafa orðið fyrir kynferðisofbeldi, Blátt áfram, Kristínarhús, Aflið á Akureyri, Sólstafir Vestfjarða og Bleiki fíllinn í Vestmannaeyjum. - Já, það er hægt að fá gæsahús, jafnvel á mesta sólardegi sumarsins. Við njótum góðs af baráttu ótölulegs fjölda karla og kvenna sem hafa stigið fram, tekið slaginn og fengið vindinn í fangið fyrir að segja sannleikann, afneita skömminni og berjast gegn ofbeldi í sínum fjölbreytilegu myndum. Og við verðum að viðurkenna að samfélagið hefur allt of oft brugðist þolendum. Ekki staðið með þeim. Á Húsavík. Á Ísafirði og í Reykjavík, og svo miklu víðar. Við erum hér í dag til að undirstrika samstöðu okkar með þeim og undirstrika að við erum til í slaginn með þeim. Og með öllum þeim sem eru útsettir fyrir kynferðisofbeldi. Og sá slagur stendur yfir. Í dag. Hér í borginni.Konur einsog ég og þú fluttar á milli landa sem hluti af kynlífsiðnaði Það tók okkur mörg ár að hindra útbreiðslu nektarstaða í Reykjavík. Við vissum að þeir tengdust mansali og seldu aðgang að konum. En það var erfitt að sanna það. Oft voru þetta erlendar konur, dansarar. Þetta voru konur einsog ég og þú en þær fengu sannarlega að heyra að þær væru druslur. Þetta voru hluti þeirra milljóna kvenna sem fluttar eru milli landa sem hluti af kynlífsiðnaði sem haldið er uppi með fjármunum kúnnanna, sinnuleysi yfirvalda og þögn fjölmiðla. Reykjavíkurborg linnti ekki látum fyrr en að fundust höfðu leiðir til að stoppa þessa staði. Baráttan fór alla leið í Hæstarétt, en vannst og stærsti áfanginn var þegar Alþingi samþykkti lög sem bannaði að veitingastaðir gerðu út á nekt starfsfólks. En það gekk ekki baráttulaust. Og þessi barátta heldur áfram. Nú spretta upp í borginni kampavínsstaðir. Þeir selja líka aðgang að samvistum við konur. Og segjast fara að reglum. Í síðustu viku rauf Fréttablaðið þögnina um hvað þarna fer fram í grein Maríu Lilju Þrastardóttur og síðar viðtali Björk Vilhelmsdóttur, sem er ekki aðeins borgarfulltrúi heldur einnig fyrrverandi starfskona Kvennaathvarfsins, Kvennaráðgjafarinnar og margreynd úr baráttu og starfi kvennahreyfinga. Björk spurði hinna augljósu spurninga um hvort á kampavínsklúbbum þrifist vændi, hvort þar þrifist mansal og kallaði eftir rannsókn lögreglu.Málsókn hótað Viðbrögðin voru fyrirséð. Lögmaður kampavínsstaðanna hótar nú borgarfulltrúanum málsókn. Það skal enginn dirfast að opna munninn. Og svo er haldið áfram og vegið að starfsheiðri blaðakonunnar. Og með hvaða rökum. Jú, María Lilja er feministi og hefur skipulagt druslugöngu í Reykjavík. Vó! En þó þessi málatilbúnaður virki hlægilegur þá á hann sér alvarlegri hlið. Þetta er ekkert annað en grímulaus tilraun til þöggunar. En við skulum taka á móti. Baráttan gegn kynbundnu ofbeldi heldur áfram. Þar hefur Reykjavíkurborg verið í fararbroddi. Það ætlum við okkur að vera áfram. Við látum málsóknir ekki hræða okkur, og sækjum baráttuandann og fordæmin í þau ótal dæmi sem við eigum í sögu þessarar borgar og sögu þeirra kjörkuðu kvenna og karla sem rutt hafa brautina. Kynlífsiðnaðurinn virðir engin landamæri. Þess vegna má baráttan gegn kynferðisofbeldi ekki gera það heldur. Druslugangan hófst í Kanada – og hún heldur áfram í Reykjavík. Nú í þriðja sinn, og hefur aldrei verið stærri eða öflugri. Það er heiður að fá að vera með ykkur. Druslur allra landa sameinumst. Ást og friður. Viltu birta grein á Vísi? Sendu okkur póst. Senda grein Dagur B. Eggertsson Mest lesið Hvernig vogar þú þér að gera grín að Möggu Stínu? Elliði Vignisson Skoðun Hvað á Selfoss sameiginlegt með Róm, Berlín, Prag og París? Axel Sigurðsson Skoðun „Reykjavíkurleiðin“ – skref að sanngjarnara og stöðugra leikskólastarfi Einar Sveinbjörn Guðmundsson Skoðun Laxness, Njáll og Egill við góða heilsu í FÁ! Helgi Sæmundur Helgason Skoðun Halldór 11.10.2025 Halldór Hættið að þykjast standa með mannréttindum – hafnið nýju útlendingafrumvarpi Jón Sigurðsson Skoðun Sterkari saman – geðheilsa er mannréttindi allra Halldóra Jónsdóttir,Halldóra Víðisdóttir,Júlíana Guðrún Þórðardóttir Skoðun Kópavogsmódelið Ragnheiður Ósk Jensdóttir Skoðun Í örugga höfn! Örlygur Hnefill Örlygsson,Bergur Elías Ágústsson Skoðun Við sem lifum með POTS höfum verið yfirgefin af kerfinu Elín A. Eyfjörð Ármannsdóttir Skoðun Skoðun Skoðun Laxness, Njáll og Egill við góða heilsu í FÁ! Helgi Sæmundur Helgason skrifar Skoðun Hvað á Selfoss sameiginlegt með Róm, Berlín, Prag og París? Axel Sigurðsson skrifar Skoðun „Reykjavíkurleiðin“ – skref að sanngjarnara og stöðugra leikskólastarfi Einar Sveinbjörn Guðmundsson skrifar Skoðun Eflum geðheilsu alla daga Guðbjörg Sveinsdóttir skrifar Skoðun Getur fólk með gigt látið drauma sína rætast? Hrönn Stefánsdóttir skrifar Skoðun Réttlæti hins sterka. Hvernig hinn sterki getur unnið nánast öll dómsmál Jörgen Ingimar Hansson skrifar Skoðun Við sem lifum með POTS höfum verið yfirgefin af kerfinu Elín A. Eyfjörð Ármannsdóttir skrifar Skoðun Drifkraftur bata – Alþjóðlegi geðheilbrigðisdagurinn Sigríður Ásta Hauksdóttir skrifar Skoðun Lordinn lýgur! Andrés Pétursson skrifar Skoðun Það er ekki hægt að þykjast með líf barnanna okkar Ása Berglind Hjálmarsdóttir skrifar Skoðun Í örugga höfn! Örlygur Hnefill Örlygsson,Bergur Elías Ágústsson skrifar Skoðun Reykjavíkurmódelið er skref í rétta átt – fyrir börnin og starfsfólkið Bozena Raczkowska skrifar Skoðun Varasjóður eða hefðbundið styrkjakerfi? Birgitta Ragnarsdóttir skrifar Skoðun Geðheilsa á tímum óvissu og áskorana María Heimisdóttir skrifar Skoðun Kópavogsmódelið Ragnheiður Ósk Jensdóttir skrifar Skoðun Villta vestur ólöglegra veðmálaauglýsinga á Íslandi Skúli Bragi Geirdal skrifar Skoðun Sterkari saman – geðheilsa er mannréttindi allra Halldóra Jónsdóttir,Halldóra Víðisdóttir,Júlíana Guðrún Þórðardóttir skrifar Skoðun Ísland þarf engan sérdíl Magnús Árni Skjöld Magnússon skrifar Skoðun Er edrúlífið æðislegt? Jakob Smári Magnússon skrifar Skoðun Rúmfatalagerinn, ekki fyrir alla! Ragnar Gunnarsson skrifar Skoðun Að gera ráð fyrir frelsi Birgir Orri Ásgrímsson skrifar Skoðun Að þekkja sín takmörk Heiðar Guðjónsson skrifar Skoðun Gervigreind og dómgreind Henry Alexander Henrysson skrifar Skoðun Fjárfesting í réttindum barna bætir fjárhag sveitarfélaga Marín Rós Eyjólfsdóttir skrifar Skoðun Hættið að þykjast standa með mannréttindum – hafnið nýju útlendingafrumvarpi Jón Sigurðsson skrifar Skoðun Alþjóða geðheilbrigðisdagurinn – réttur til réttrar meðferðar Pétur Maack Þorsteinsson skrifar Skoðun Á að takmarka samfélagsmiðlanotkun barna? María Rut Kristinsdóttir skrifar Skoðun Hvernig vogar þú þér að gera grín að Möggu Stínu? Elliði Vignisson skrifar Skoðun Hvað er í gangi? Jón Pétur Zimsen skrifar Skoðun Lausnir í leikskólamálum Kristín Thoroddsen skrifar Sjá meira
Vísir birtir hér ræðu Dags B. Eggertssonar sem hann flutti í tilefni af Druslugöngunni, 27. júlí 2013. Komið þið sæl! /Til hamingju með daginn! Það er mér sannur heiður að vera hérna með ykkur. Ég heiti Dagur og ég er drusla. Ég vil taka ofan fyrir skipuleggjendum þessarar göngu. Hún gerir borgina okkar betri, opnari, sterkari, frjálsari, mannlegri og öruggari. Ég vil taka ofan fyrir þeim sem hafa rofið þögnina að undanförnu María Rut Kristinsdóttir, Auður Kolbrá Birgisdóttir, Guðný Jóna Kristjánsdóttir, Eiríkur Guðbergur Stefánsson, Hilmar Örn Þorbjörnsson, Hildur Lillendahl, Sveinn Rúnar Einarsson, Þórdís Elva Þorvaldsdóttir. Þið eruð miklu fleiri, þið eruð mörg og þið eruð sterk. Ykkar er heiðurinn, en ekki skömmin og við stöndum hundrað prósent með ykkur. Það er mér heiður að fá að tala við ykkur í dag, en sú hugsun er nærri að ég eigi það ekki skilið.Umbótaöflin hafa reynst sterk Ég vil því að við horfum í kringum okkur hér í dag, með stolti, kynnum okkur fyrir næsta manni, gefum hvort öðru knús ef okkur líður þannig, en munum líka eftir fólkinu sem ruddi brautina gegn kynferðisofbeldi og skömm í samfélaginu. Ásta Sigurðardóttir, Kvennaathvarfið, Kvennaráðgjöfin, Telma Ásdísardóttir, Drekaslóð, Guðrún Jónsdóttir, Stígamót , Jón Sæmundur Auðarsson, Sigrún Pálína Ingvarsdóttir, Guðrún Ebba Ólafsdóttir, Breiðavíkurdrengirnir. Listinn er langur. Og miklu lengri en þetta. En umbótaöflin hafa líka reynst sterk, einsog við sýnum hér í dag. Rauðsokkur, Kvennaframboðið og Kvennalistinn, Feministafélagið, karlahópur Feministafélagsins og Karlar segja Nei við nauðgunum, SASA – samtök karla og kvenna sem hafa orðið fyrir kynferðisofbeldi, Blátt áfram, Kristínarhús, Aflið á Akureyri, Sólstafir Vestfjarða og Bleiki fíllinn í Vestmannaeyjum. - Já, það er hægt að fá gæsahús, jafnvel á mesta sólardegi sumarsins. Við njótum góðs af baráttu ótölulegs fjölda karla og kvenna sem hafa stigið fram, tekið slaginn og fengið vindinn í fangið fyrir að segja sannleikann, afneita skömminni og berjast gegn ofbeldi í sínum fjölbreytilegu myndum. Og við verðum að viðurkenna að samfélagið hefur allt of oft brugðist þolendum. Ekki staðið með þeim. Á Húsavík. Á Ísafirði og í Reykjavík, og svo miklu víðar. Við erum hér í dag til að undirstrika samstöðu okkar með þeim og undirstrika að við erum til í slaginn með þeim. Og með öllum þeim sem eru útsettir fyrir kynferðisofbeldi. Og sá slagur stendur yfir. Í dag. Hér í borginni.Konur einsog ég og þú fluttar á milli landa sem hluti af kynlífsiðnaði Það tók okkur mörg ár að hindra útbreiðslu nektarstaða í Reykjavík. Við vissum að þeir tengdust mansali og seldu aðgang að konum. En það var erfitt að sanna það. Oft voru þetta erlendar konur, dansarar. Þetta voru konur einsog ég og þú en þær fengu sannarlega að heyra að þær væru druslur. Þetta voru hluti þeirra milljóna kvenna sem fluttar eru milli landa sem hluti af kynlífsiðnaði sem haldið er uppi með fjármunum kúnnanna, sinnuleysi yfirvalda og þögn fjölmiðla. Reykjavíkurborg linnti ekki látum fyrr en að fundust höfðu leiðir til að stoppa þessa staði. Baráttan fór alla leið í Hæstarétt, en vannst og stærsti áfanginn var þegar Alþingi samþykkti lög sem bannaði að veitingastaðir gerðu út á nekt starfsfólks. En það gekk ekki baráttulaust. Og þessi barátta heldur áfram. Nú spretta upp í borginni kampavínsstaðir. Þeir selja líka aðgang að samvistum við konur. Og segjast fara að reglum. Í síðustu viku rauf Fréttablaðið þögnina um hvað þarna fer fram í grein Maríu Lilju Þrastardóttur og síðar viðtali Björk Vilhelmsdóttur, sem er ekki aðeins borgarfulltrúi heldur einnig fyrrverandi starfskona Kvennaathvarfsins, Kvennaráðgjafarinnar og margreynd úr baráttu og starfi kvennahreyfinga. Björk spurði hinna augljósu spurninga um hvort á kampavínsklúbbum þrifist vændi, hvort þar þrifist mansal og kallaði eftir rannsókn lögreglu.Málsókn hótað Viðbrögðin voru fyrirséð. Lögmaður kampavínsstaðanna hótar nú borgarfulltrúanum málsókn. Það skal enginn dirfast að opna munninn. Og svo er haldið áfram og vegið að starfsheiðri blaðakonunnar. Og með hvaða rökum. Jú, María Lilja er feministi og hefur skipulagt druslugöngu í Reykjavík. Vó! En þó þessi málatilbúnaður virki hlægilegur þá á hann sér alvarlegri hlið. Þetta er ekkert annað en grímulaus tilraun til þöggunar. En við skulum taka á móti. Baráttan gegn kynbundnu ofbeldi heldur áfram. Þar hefur Reykjavíkurborg verið í fararbroddi. Það ætlum við okkur að vera áfram. Við látum málsóknir ekki hræða okkur, og sækjum baráttuandann og fordæmin í þau ótal dæmi sem við eigum í sögu þessarar borgar og sögu þeirra kjörkuðu kvenna og karla sem rutt hafa brautina. Kynlífsiðnaðurinn virðir engin landamæri. Þess vegna má baráttan gegn kynferðisofbeldi ekki gera það heldur. Druslugangan hófst í Kanada – og hún heldur áfram í Reykjavík. Nú í þriðja sinn, og hefur aldrei verið stærri eða öflugri. Það er heiður að fá að vera með ykkur. Druslur allra landa sameinumst. Ást og friður.
„Reykjavíkurleiðin“ – skref að sanngjarnara og stöðugra leikskólastarfi Einar Sveinbjörn Guðmundsson Skoðun
Hættið að þykjast standa með mannréttindum – hafnið nýju útlendingafrumvarpi Jón Sigurðsson Skoðun
Sterkari saman – geðheilsa er mannréttindi allra Halldóra Jónsdóttir,Halldóra Víðisdóttir,Júlíana Guðrún Þórðardóttir Skoðun
Skoðun „Reykjavíkurleiðin“ – skref að sanngjarnara og stöðugra leikskólastarfi Einar Sveinbjörn Guðmundsson skrifar
Skoðun Réttlæti hins sterka. Hvernig hinn sterki getur unnið nánast öll dómsmál Jörgen Ingimar Hansson skrifar
Skoðun Við sem lifum með POTS höfum verið yfirgefin af kerfinu Elín A. Eyfjörð Ármannsdóttir skrifar
Skoðun Reykjavíkurmódelið er skref í rétta átt – fyrir börnin og starfsfólkið Bozena Raczkowska skrifar
Skoðun Sterkari saman – geðheilsa er mannréttindi allra Halldóra Jónsdóttir,Halldóra Víðisdóttir,Júlíana Guðrún Þórðardóttir skrifar
Skoðun Hættið að þykjast standa með mannréttindum – hafnið nýju útlendingafrumvarpi Jón Sigurðsson skrifar
Skoðun Alþjóða geðheilbrigðisdagurinn – réttur til réttrar meðferðar Pétur Maack Þorsteinsson skrifar
„Reykjavíkurleiðin“ – skref að sanngjarnara og stöðugra leikskólastarfi Einar Sveinbjörn Guðmundsson Skoðun
Hættið að þykjast standa með mannréttindum – hafnið nýju útlendingafrumvarpi Jón Sigurðsson Skoðun
Sterkari saman – geðheilsa er mannréttindi allra Halldóra Jónsdóttir,Halldóra Víðisdóttir,Júlíana Guðrún Þórðardóttir Skoðun