Keflvíkingar unnu Íslandsmeistarana

Keflavík og Tindastóll unnu leiki sína í Lengjubikar karla í körfubolta í kvöld en bæði lið eru saman í A-riðli keppninnar. Stólarnir unnu 24 stiga sigur á Valsmönnum á Króknum, 109-85, en Keflvíkingar unnu á sama tíma tíu stiga sigur á Íslandsmeisturum Grindavíkur, 85-75, í TM-höllinni á Sunnubraut.

Keflvíkingar voru að spila annað kvöldið í röð alveg eins og Valsmenn en Keflavík vann Val í Vodfonehöllinni í gærkvöldi. Með þessum sigri eru Keflvíkingar komnir með annan fótinn í undanúrslit keppninnar enda með fullt hús eftir fjóra leiki á sama tíma og bæði Tindastóll og Grindavík hafa tapað tveimur leikjum hvort.

Darrel Keith Lewis og Magnús Þór Gunnarsson skoruðu báðir yfir tuttugu stig fyrir Keflavíkurliðið í kvöld en stórleikur Jóhanns Árna Ólafssonar (28 stig) dugði ekki Grindavíkurliðinu.

Helgi Rafn Viggósson er að spila rosalega vel fyrir Tindastól í upphafi tímabilsins en hann var með 24 stig og 13 fráköst í kvöld. Tindastóll féll úr Domnios-deildinni síðasta vor en verður erfitt viðureignar í 1. deildinni í vetur ef marka má leiki liðsins í Lengjubikarnum.

Fyrirtækjabikar karla, A-riðill

Tindastóll-Valur 109-85 (32-18, 18-25, 30-12, 29-30)

Tindastóll: Antoine Proctor 26/5 stoðsendingar, Helgi Rafn Viggósson 24/13 fráköst, Darrell Flake 15/7 fráköst, Ingvi Rafn Ingvarsson 13, Pétur Rúnar Birgisson 10/10 stoðsendingar, Helgi Freyr Margeirsson 5, Sigurður Páll Stefánsson 5, Ingimar Jónsson 4/5 fráköst, Páll Bárðarson 3, Friðrik Þór Stefánsson 2, Viðar Ágústsson 2/5 fráköst.

Valur: Chris Woods 18/12 fráköst, Oddur Birnir Pétursson 14/6 fráköst, Ragnar Gylfason 9, Jens Guðmundsson 9, Benedikt Blöndal 8/4 fráköst/5 stoðsendingar, Hlynur Logi Víkingsson 7, Rúnar Ingi Erlingsson 6, Benedikt Skúlason 6/6 fráköst, Birgir Björn Pétursson 5/8 fráköst, Oddur Ólafsson 3.



Keflavík-Grindavík 85-75 (23-21, 11-23, 24-18, 27-13)

Keflavík: Darrel Keith Lewis 22/8 fráköst, Magnús Þór Gunnarsson 20/6 fráköst, Michael Craion 13/13 fráköst/4 varin skot, Valur Orri Valsson 12, Gunnar Ólafsson 9, Guðmundur Jónsson 7, Þröstur Leó Jóhannsson 2.

Grindavík: Jóhann Árni Ólafsson 28/6 fráköst, Ólafur Ólafsson 15/6 fráköst/7 stolnir, Christopher Stephenson 11/11 fráköst, Sigurður Gunnar Þorsteinsson 9/7 fráköst, Daníel Guðni Guðmundsson 5/4 fráköst/5 stoðsendingar, Ómar Örn Sævarsson 4/8 fráköst, Jón Axel Guðmundsson 3.

Stig liða í riðlinum:

1. Keflavík     4 sigrar / 0 töp     8 stig

2. Tindastóll     2/2     4 stig

3. Grindavík     2/2     4 stig

4. Valur     0/4     0 stig