Sextán ára hlé á enda

Karlalið KR í handbolta tekur á móti Stjörnunni í 1. umferð 1. deildar karla í handbolta í Vesturbænum í kvöld.

KR-ingar endurvöktu meistaraflokk sinn nýverið og tefla fram liði í fyrsta skipti frá því leiktíðina 1996-1997. Stjarnan var hársbreidd frá því að komast í efstu deild á síðustu leiktíð og verður fróðlegt að sjá hvernig til tekst hjá nýliðunum gegn Garðbæingum.

Arnar Jón Agnarsson þjálfari KR-inga en hann þekkir vel til í Garðabænum þar sem hann spilaði lengi vel. Leikurinn hefst klukkan 20.15.

Tveir aðrir leikir fara fram í deildinni í kvöld. Grótta tekur á móti Fylki og Víkingur á móti Aftureldingu. Báðir leikirnir hefjast klukkan 19.30.