Stjóri Birkis rekinn

Sampdoria hefur rekið knattspyrnustjórann Delio Rossi. Liðið situr í fallsæti ítölsku deildarinnar. 



Rossi hefur þurft að horfa upp á sína menn tapa þremur leikjum í röð og voru forsvarsmenn Sampdoria allt annað en sáttir og ráku kauða. Sampdoria er í þriðja neðsta sæti og stigi frá öruggu sæti.



Rossi hefur komið víða við á löngum ferli en þjálfarastarfið hjá Sampdoria var hans sextánda á ferlinum. Hann tók við liðinu í desember síðastliðnum en náði ekki ári í starfi hjá félaginu frá Genóva.