Það verður risaslagur í átta liða úrslitum Powerade-bikars karla í körfubolta en dregið var í átta liða úrslit karla og kvenna í dag. Grindavík fær þá Njarðvík í heimsókn en liðin eru í 3. og 4. sæti Domnios-deildarinnar og þau tvö efstu sem enn eru eftir í bikarnum.
Grindavík og Fjölnir höfðu heppnina með sér því bæði karla- og kvennalið félaganna fengu heimaleiki í átta liða úrslitununum.
Njarðvíkingar hafa þegar slegið út topplið KR-inga og bikarmeistara Stjörnunnar en Grindavíkingar komust áfram í átta liða úrslitin eftir sigur á Keflavík.
Goðsagnarlið Keflavíkur mætir ÍR á útivelli en 1. deildarliðin Fjölnir og Tindastóll mætast þannig að það er ljóst að 1. deildarlið verður í undanúrslitunum í ár. Lokaleikurinn er síðan á milli Þór og Hauka í Þorlákshöfn.
Hjá konunum er stórleikurinn viðureign Vals og Snæfells en þá mætast einnig Reykjanesbæjarliðin Keflavík og Njarðvík og Grindavík tekur á móti KR. Lokaleikurinn er síðan á milli 1. deildarliðs Fjölnis og Hauka.
Eftirfarandi lið munu mætast:
Poweradebikar kvenna, 8 liða úrslit:
Grindavík - KR
Valur - Snæfell
Keflavík - Njarðvik
Fjölnir - Haukar
Poweradebikar karla, 8 liða úrslit:
Grindavík - Njarðvík
Fjölnir - Tindastóll
Þór Þ. - Haukar
ÍR - Keflavík-b
Grindavík og Njarðvík mætast í bikarnum
