Jelly, nýr samfélagsmiðill, sem stofnaður var af Biz Stone, einum stofnenda Twitter, kemur til með að reyna svara öllum spurningum sem fólk hefur. Abc news segir frá.
„Allir hafa síma og allir eru tengdir, þannig kviknaði hugmyndin að miðlinum. Ef þú hefur spurningu er næsta víst að það er einhver sem veit svarið við henni,“ sagði Stone
Stone og samstarfsmaður hans Ben Finkel ætla að finna leiðir til þess að appið verði ekki bara eins og ný útgáfa af Yahho Answers. Notendur geta sent mynd af hverju því sem vekur forvitni þeirra og spurt vini sína á Jelly, hvað um sé að ræða. Vinirnir geta þá annað hvort svarað spurningunni eða áframsent hana á fleiri.
Jelly er bæði til fyrir iOs og Android.
Jelly, nýr samfélagsmiðill sem svarar öllum spurningum
