Njarðvík og Grindavík fóru illa með nýliðana

Njarðvík og Grindavík áttu ekki í miklum vandræðum með að vinna nýliða Vals og Hauka í 13. umferð Domnios-deildar karla í körfubolta í kvöld. Njarðvík vann Val með 37 stigum í Ljónagryfjunni og Grindavík vann óvæntan stórsigur á Haukum í Röstinni í Grindavík.

Grindvíkingar mæta af krafti inn í nýja árið og fylgdu eftir sigri á KR í Frostaskjólinu í síðustu umferð með því að vinna 31 stigs sigur á Haukum, 91-60, í Grindavík í kvöld.

Haukar hafa staðið sig vel í deildinni og voru í 6. sæti fyrir þennan leik en þeir áttu aldrei möguleika gegn frábærum Grindvíkingum.

Það voru margir að skila hjá Grindavík í leiknum en atkvæðamestir voru þeir Sigurður Gunnar Þorsteinsson (16 stig, 12 fráköst), Earnest Lewis Clinch Jr. (13 stig og 9 stoðsendingar) og Ómar Sævarsson (12 stig).

Njarðvíkingar hafa unnið tvo plús 30 stiga sigra í fyrstu tveimur leikjum nýja ársins eftir að liðið vann 37 stiga sigur á Val, 112-75, í Ljónagryfjunni í Njarðvík í kvöld.

Tracy Smith Jr. var með flotta tvennu eins og í fyrsta leiknum en nýi miðherji Njarðvíkingar var með 25 stig og 14 fráköst í kvöld. Logi Gunnarsson skoraði 21 stig fyrir Njarðvík og Elvar Már Friðriksson var með 22 stig og 7 stoðsendingar. 



Grindavík-Haukar 91-60 (27-8, 22-19, 26-18, 16-15)

Grindavík: Sigurður Gunnar Þorsteinsson 16/12 fráköst, Earnest Lewis Clinch Jr. 13/4 fráköst/9 stoðsendingar, Ómar Örn Sævarsson 12/9 fráköst, Þorleifur Ólafsson 8, Jón Axel Guðmundsson 8/5 fráköst, Jóhann Árni Ólafsson 8/5 fráköst/6 stoðsendingar, Ólafur Ólafsson 7/11 fráköst, Kjartan Helgi  Steinþórsson 7, Jens Valgeir Óskarsson 6/5 fráköst, Hinrik Guðbjartsson 4, Nökkvi Harðarson 2.

Haukar: Sigurður Þór Einarsson 14, Haukur Óskarsson 10, Davíð Páll Hermannsson 10/4 fráköst, Kristinn Marinósson 7/4 fráköst, Helgi Björn Einarsson 7/6 fráköst, Steinar Aronsson 4, Þorsteinn Finnbogason 4, Kári Jónsson 2, Svavar Páll Pálsson 2/4 fráköst/5 stoðsendingar.



Njarðvík-Valur 112-75 (29-16, 24-19, 26-17, 33-23)

Njarðvík: Tracy Smith Jr. 25/14 fráköst/3 varin skot, Elvar Már Friðriksson 22/6 fráköst/7 stoðsendingar/5 stolnir, Logi Gunnarsson 21, Maciej Stanislav Baginski 12/5 fráköst, Ólafur Helgi Jónsson 11/7 fráköst, Hjörtur Hrafn Einarsson 9, Ágúst Orrason 9, Friðrik E. Stefánsson 2/5 fráköst, Halldór Örn Halldórsson 1.

Valur: Chris Woods 28/16 fráköst, Birgir Björn Pétursson 14/10 fráköst, Rúnar Ingi Erlingsson 12/6 fráköst, Oddur Ólafsson 4, Ragnar Gylfason 3, Jens Guðmundsson 3, Þorgrímur Guðni Björnsson 3, Benedikt Smári Skúlason 3, Benedikt Blöndal 2, Guðni Heiðar Valentínusson 2, Kristinn Ólafsson 1.