Þórir Ólafsson er að glíma við erfið meiðsli aftan í læri en náði sér nógu góðum til þess að spila í tapleiknum gegn Spánverjum í kvöld.
"Heilsan er þokkaleg. Það verður meðferð á eftir hjá mér og vonandi verður þetta ekki verra en það var. Ef það verður betra er það jákvætt," sagði Þórir en hvernig leið honum í leiknum?
"Á köflum datt ég aðeins niður. Ég náði mér ekki á strik í dag og þetta var lélegt hjá mér. Ég er bjartsýnn á að geta spilað áfram og ég ætla ekki að gefast upp út af þessu.
"Við vorum góðir í um 50 mínútur. Svo slökuðum við aðeins á og þeir keyra yfir okkur. Það er ekki leyfilegt gegn svona liði að slaka á. Tapið var samt leiðinlega stórt.
"Það voru margir óvissir um liðið fyrir mót en við sýndum að það kemur maður í manns stað í þessu liði og það eiga allir skilið að vera hérna sem eru í liðinu."
