Man. Utd olli miklum vonbrigðum gegn Olympiakos í Grikklandi í kvöld er liðið tapaði 2-0 í fyrri leik liðanna í sextán liða úrslitum Meistaradeildar Evrópu.
"Þetta voru mikil vonbrigði. Við vitum samt að við eigum enn möguleika í seinni leiknum," sagði miðjumaður Man. Utd, Michael Carrick.
"Við ætluðum okkur sigur hér í kvöld og þetta er ekkert sérstök staða. Við héldum boltanum ágætlega í fyrri hálfleik án þess að skapa okkur mikið. Að sama skapi sköpuðu þeir lítið.
"Við byrjuðum illa í síðari hálfleik og fórum á hælana. Við erum ekki að ná neinum úrslitum og verðum að lifa með því. Það er ekki hægt að benda á neinn. Það verða allir að axla ábyrgð á þessu gengi."
Carrick: Þetta er ekki búið
Tengdar fréttir
Gjaldþrot hjá Man. Utd í Grikklandi | Myndband
Man. Utd bauð upp á enn eina hörmungarframmistöðuna er það sótti gríska liðið Olympiakos heim í fyrri leik liðanna í sextán liða úrslitum Meistaradeildar Evrópu. Grikkirnir unnu sanngjarnan 2-0 sigur og eru í góðri stöðu fyrir síðari leikinn.
Moyes: Okkar lélegasti leikur í Meistaradeildinni
Það er heldur betur farið að hitna undir David Moyes, stjóra Man. Utd, eftir neyðarlegt tap gegn Olympiakos í Grikklandi þar sem hans lið gat nákvæmlega ekki neitt.
