Plumlee fór illa með LeBron og tryggði Nets 4. sigurinn á Miami | Myndband

Velgengni Brooklyn Nets eftir áramót heldur áfram en liðið vann meistara Miami Heat, 88-87, í NBA-deildinni í körfubolta í nótt. Þar með vann Nets alla fjóra leikina gegn Miami á tímabilinu sem lofar góðu skildu liðin mætast í úrslitakeppninni.

Miami fékk tækifæri til að vinna leikinn en LeBronJames óð upp völlinn með boltann þegar tíu sekúndur voru eftir. Hann komst að körfunni og reyndi að troða boltanum ofan í hana og vinna leikinn en allt kom fyrir ekki.

Nýliðinn MasonPlumlee, sem kom frá Duke-háskólanum í nýliðavalinu í fyrra, varðist troðslutilraun kóngsins af mikilli fagmennsku og tryggði sínum mönnum sigurinn. Myndband af því má sjá í spilaranum hér að ofan.

Joe Johnson var stigahæstur Brooklyn í leiknum með 19 stig en LeBron James skoraði 29 stig fyrir Miami auk þess sem hann tók 10 fráköst og gaf 6 stoðsendingar. Miami er áfram á toppnum í austrinu en tapið er vatn á myllu Indiana Pacers.

Fimm flottustu tilþrif næturinnar

Í fyrsta skiptið í 42 leikjum tókst liði að halda Kevin Durant í skefjum en hann var búinn að skora yfir 25 stig í 41 leik í röð og komast þar með fram úr sjálfum MichaelJordan.

Það voru leikmenn Sacramento Kings sem stöðvuðu 25 stiga leikina hjá Durant en hann skoraði engu að síður 23 stig í 107-92 útsigri OKC á Sacramento í nótt.

Hann var stigahæstur gestanna ásamt CaronButler en DeMarcus Cousins og Travis Outlaw skoruðu báðir 24 stig fyrir Sacramento Kings.

Úrslit næturinnar:

Atlanta Hawks - Detroit Pistons 95-102

Miami Heat - Brooklyn Nets 87-88

Minnesota Timberwolves - San Antonio Spurs 110-91

Utah Jazz - Dallas Mavericks 83-95

Sacramento Kings - Oklahoma City Thunder 92-107

Los Angeles Lakers - Houston Rockets 130:145

Staðan í deildinni.