Standa upp á fjórtándu mínútu fyrir Hröbbu Skúla

Handboltaáhugamenn ætla að heiðra Hrafnhildi Skúladóttur, leikmann Vals, á leik liðsins gegn Stjörnunni í kvöld.

„Við erum hvorki Valsarar né miklir handkastssérfræðingar en við erum hins vegar dyggir aðdáendur hinnar einu sönnu Hröbbu Skúla,“ segir á Facebook-síðu viðburðarins í kvöld.

Ætlunin er að skapa góða stemningu í kvöld og standa upp á fjórtándu mínútu í báðum hálfleikjum og klappa fyrir Hrafnhildi.

Áhorfendur í Vodafone-höllinni, sem og sjónvarpsáhorfendur, eru hvattir til að gera slíkt hið sama.

Leikurinn hefst klukkan 19.45 í kvöld og verður í beinni textalýsingu hér á Vísi.