Búrið með Bubba: Hitað upp fyrir bardaga Gunnars Nelson í kvöld

Gunnar Nelson berst við ZakCummings á UFC-kvöldi í Dyflinni á Írlandi á laugardagskvöldið, en bardaginn verður í beinni útsendingu á Stöð 2 Sport.

Eins og alltaf hitar Bubbi Morthens upp fyrir bardagann í þættinum Búrið, sem sýndur verður á Stöð 2 Sport klukkan 19.50 í kvöld.

Þar fær Bubbi sérfræðingana SveinKjarval, UnnarKarlHalldórsson og Bjarka Þór Pétursson í heimsókn og munu þeir leiða áhorfendur í allan sannleikann um mótherja Gunnars og möguleika þeirra beggja í bardaganum.

„Þau ykkar sem eru ekki búin að fá sér áskrift; ég myndi flýta mér. Síðan myndi ég taka kvöldið frá og helst ekkert mikið að fara á klósettið eða stíga upp úr sófanum,“ segir Bubbi Morthens í stiklu fyrir þáttinn sem sjá má hér að ofan.

Gunnar Nelson mætir Zak Cummings í Dublin á laugardagskvöld.  Þessi stórbardagi verður í beinni á Stöð 2 Sport og hefst útsending kl. 19:00.  Fáðu þér áskrift á www.365.is.