Úlfarnir fá liðsstyrk

Bakvörðurinn Mo Williams er á leiðinni til Minnesota Timberwolves í NBA-deildinni í körfubolta.

Williams, sem er 31 árs, gerir eins árs samning við Minnesota, sem gefur honum 3,75 milljónir dollara í aðra hönd.

Williams spilaði með Portland Trail Blazers á síðustu leiktíð, en hann hefur einnig leikið með Utah Jazz, Milwaukee Bucks, Cleveland Cavaliers og Los Angeles Clippers á 11 ára löngum ferli í NBA.

Williams er með 13,3 stig, 2,8 fráköst og 4,9 stoðsendingar að meðaltali í leik á ferlinum.