Innlent

Hraungos er hafið norðan Dyngjujökuls

Sveinn Arnarsson skrifar
Hraungos er hafið norðan Dyngjujökuls. Þetta staðfestir Veðurstofa Íslands. Vefmyndvélar Mílu sýna að kvika streymir upp á yfirborðið. Kvikan hefur náð að brjóta sér leið upp á yfirborðið norðan jökulsins á íslausu svæði. Gosið er í Holuhrauni norðan Dyngjujökuls og sunnan Öskju þar sem sprungur hafa verið að myndast í hrauninu og við jökulsporðinn. 

Vefmyndavélar Mílu gefa til kynna að gosið sé ekki stórt í augnablikinu en ekki er hægt með vissu að gera sér grein fyrir stærðinni af myndunum einum að dæma.

Hægt er að horfa á aðra vefmyndavél Mílu í spilaranum efst í fréttinni.

Á þessu svæði er berggangur sem liggur frá Bárðarbungu og á íslaust svæði norðan Dyngjujökuls. Gangurinn er talinn vera rúmlega 40 kílómetra langur og innihalda um 350 milljónir rúmmetra af kviku svo nægur er efniviðurinn í gos á þessu svæði.

Uppfært klukkan 03:00

Gosið virðist hafa minnkað töluvert á þriðja tímanum. Það sýna vefmyndavélar auk þess sem Rögnvaldur Ólafsson hjá Almannavarnadeild lögreglunnar staðfesti hið sama í samtali við Vísi. Talið er að sprungan sé í kringum 100 metra löng og lítil öskumyndun.

Litakóði vegna flugs hefur verið færður upp í rautt og búið að lýsa 120 sjómílna hættusvæði um hverfis eldstöðina í Holuhrauni. Þó hefur engin flugumferð verið á svæðinu í nótt. Guðjón Arngrímsson, upplýsingafulltrúi Icelandair, staðfestir að eldgos hafi engin áhrif á flugumferð en grannt sé fylgst með gangi mála.

Uppfært klukkan 03:15

Almannavarnardeild ríkislögreglustjóra greinir frá því að nánara mat vísindamannanna tveggja hjá Veðurstofu Íslands, sem staddir eru í Holuhrauni, sé að sprungan þar sem gýs sé um 1 kílómetri á lengd.

Talið var í upphafi að sprungan, sem er um fimm kílómetra norðan Dyngjujökuls og sunnan Öskju, væri 100-300 metra löng. Nú virðist sem hún sé töluvert lengri.

Uppfært klukkan 04:25

Enga virkni er að sjá á vefmyndavélum Mílu á svæðinu. Þorbjörg Ágútsdóttir, doktorsnemi við háskólann í Cambridge, sagði í samtali við Vísi á fimmta tímanum að verulega hefði dregið úr gosvirkni. Hún hefði verið mun meiri fyrr í kvöld en nú væri hún afar lítil. Þorbjörg, sem stödd er í um fimm kílómetra fjarlægð frá gosinu ásamt öðrum vísindamanni, mun standa vaktina fram á morgun. Þau eru hluti af átta manna teymi íslenskra vísindamanna og nema við háskólann í Cambridge.

skjáskot/mila.is
Vefmyndavél Mílu 1.



Vefmyndavél Mílu 2.

Bárðarbunga

Tengdar fréttir

Skjálftavirkni enn mikil og gos talið líklegt

Athuganir hafa leitt í ljós að ekki var eldgos undir Dyngjujökli í gær. Skjálftavirkni í Bárðarbungu og Dyngjujökli er samt enn mjög mikil og fagstjóri jarðvár hjá Veðurstofunni segir enn líkur á gosi. Engu að síður hafa almannavarnir fært viðbúnaðarstig norðan Vatnajökuls niður í hættustig úr neyðarstigi.

Er Bárðarbungu ekki um að kenna?

Vísindamenn hallast frekar að því að jarðhræringarnar undir Vatnajökli leiði til eldgoss. Komnar eru fram kenningar um að upptöku óróans sé frekar að leita í eldstöðvakerfi Öskju en Bárðabungu. Kröflueldar virðast vera nærtækasta dæmið um framhaldið.

Sérfræðingarnir farnir í loftið

Magnús Tumi Guðmundsson jarðeðlisfræðingur hélt í morgun ásamt sérfræðingum Veðurstofunnar og Jarðvísindastofnun Háskóla Íslands í eftirlitsflug í flugi TF-SIF á Vatnajökul.

Sigkatlarnir 10-15 metra djúpir

Sigurlaug Hjaltadóttir, jarðeðlisfræðingur á Veðurstofunni, segir að sigkatlarnir suðsuðaustur af Bárðarbungu séu fjórir talsins á 4-6 kílómetra langri sprungu.

Lengist um fjóra kílómetra á dag

Síðustu tíu daga hefur berggangurinn undir Vatnajökli lengst um fjóra kílómetra á dag, að meðaltali. Sérfræðingur segir atburðinn einn þann markverðasta sem Íslendingar hafa orðið vitni að, en stærð berggangsins sé vanmetin og stefna hans beint á Öskju allrar athygli verð.

Nýir sigkatlar gætu bent til goss

Fjögurra til sex kílómetra langar sprungur hafa myndast sunnan við af Bárðarbungu. Þetta staðfestir starfsmaður Veðurstofu Íslands.

Mikið magn kviku hefur safnast saman á stuttum tíma

Skjálftavirkni er mikil undir Dyngjujökli og hefur færst í aukana yfir helgina. Norðurendi berggangsins sem hefur myndast undir jöklinum nær nú norður fyrir jökulinn. Versta hugsanlega sviðsmyndin að allur berggangurinn opnist sem sprunga, segir eldfjalla

Mest lesið


Fleiri fréttir

Sjá meira


×

Mest lesið