Haukur Helgi: Við ætlum okkur á EM

„Þetta er ekki neitt og ég verð með á morgun (í dag). Þetta er mikilvægur leikur og svona tækifæri koma ekki oft. Ég verð bara að harka þetta af mér," sagði Haukur Helgi Pálsson kokhraustur eftir æfingu landsliðsins í gær en hann var þá með klakaumbúðir vafðar um hnéð.
Haukur átti frábæran leik í fyrri leiknum á móti Bretum en spilaði aðeins í 14 mínútur í Bosníu vegna villuvandræða og meiðsla.
„Ég lenti í villuvandræðum í Bosníu sem ég má alls ekki gera. Það voru samt margir sem voru að stíga fram í leiknum sem var flott," sagði Haukur Helgi sem meiddist í seinni hálfleiknum.
„Ég lendi í þessu hnjaski þegar ég fékk einn fljúgandi á mig. Þeir stóðu sig frábærlega strákarnir og þetta gekk svo sem allt í lagi þótt að þetta hafi ekki gengið hjá mér. Liðið stóð sig frábærlega," sagði Haukur.
Ísland tryggir sér annað sætið í riðlinum með sigri á Bretum í kvöld.
„Við verðum að vinna þennan leik og þetta er hrikalega einfalt. Við förum þangað til að vinna en ekki til að tapa ekki með plús tíu. Við förum og vinnum leikinn því við ætlum okkur á þetta mót," sagði Haukur.
Íslenska liðið kom til baka á móti Bosníu og sýndi líka mikinn karakter í sigrinum á Bretum í Laugardalshöllinni.
„Íslenska eðlið er að gefast aldrei upp og alltaf að trúa því að við getum unnið öll þessi lið. Við höfum sýnt það síðustu sumur að við getum staðið í mörgum af þessum sterkustu liðum og stolið nokkrum sigrum. Við ætlum að vinna þetta lið," sagði Haukur.
Hávaðinn og lætin voru mikil í Bosníu og strákarnir í liðinu láta því ekkert slá sig út af laginu þótt Bretar fái góðan stuðning í kvöld.
„Það var frábært að vera þarna og flestir geta tekið eitthvað úr þessu að sjá sjö þúsund Bosníumenn öskra allan tímann. Þótt að maður skyldi ekki neitt þá vissi maður bara að þetta var geðveiki," sagði Haukur um stemninguna í höllinni í Tuzla.
En kemst Ísland á EM? „Við þurfum að vera þokkalega óheppnir ef við vinnum þennan leik en komust ekki á EM. Við ætlum að fara og vinna. Við förum á EM," sagði Haukur að lokum.
Tengdar fréttir

Arnar sá til þess að Bretarnir njósnuðu ekki á æfingu Íslands
Aðstoðarþjálfari landsliðsins fór yfir allar myndavélarnar í húsinu.

Mættur til að gera það sem þjálfarinn segir mér að gera
Jón Arnór Stefánsson hitti landsliðið í London í gær og segist vera í góðu standi fyrir leikinn mikilvæga.

Hlynur: Jón Arnór kunni þetta sem betur fer
Fyrirliðinn ánægður með Jón Arnór á æfingunni í London í kvöld.

Enginn Stefánsson upp á stigatöflunni
Bretarnir þurfa að breyta stigatöflunni fyrir leikinn á morgun.

Pavel: Yrði alveg sáttur með að þetta yrði síðasti leikurinn minn á ferlinum
Pavel Ermolinskij er spenntur fyrir leiknum í kvöld gegn Bretum en með sigri tryggir íslenska liðið sér sæti á Evrópumótinu í körfubolta. Þrátt fyrir að glíma við meiðsli er Pavel tilbúinn að gefa allt í leikinn í kvöld

Helgi Már: Sem betur fer er ég með skilningsríkan vinnuveitanda
Kemur inn í liðið og spilar gegn Bretlandi annað kvöld.

Logi: Við erum allir eins og bræður
Logi Gunnarsson, leikjahæsti leikmaður íslenska landsliðsins, er harður á því að leikurinn á móti Bretum í kvöld sé sá stærsti á ferlinum ásamt því að hrósa liðsheildinni í íslenska landsliðinu.

Ísland aldrei tapað í Koparkassanum í London
Landsleikurinn gegn Bretlandi annað kvöld fer fram í íþróttahöll þar sem Ísland hefur aldrei tapað.

Jón Arnór verður með Íslandi gegn Bretum
Besti körfuknattleiksmaður þjóðarinnar tekur áhættuna og ætlar að hjálpa til við að koma Íslandi á EM 2015.

Jón Arnór mættur til London: Sumir segja að ég sé "glory hunter“
"Það kviknaði á gamla keppnismanninum og ég varð bara að taka þátt í þessu," segir Jón Arnór Stefánsson sem er mættur til London.