Dómari mun tilkynna um refsingu Oscars Pistorius þann 13. október, en suður-afríski spretthlauparinn var fundinn sekur um manndráp af gáleysi í morgun. Dómurinn hefur úrskurðað að Pistorius skuli vera laus gegn tryggingu til 13. október.
Pistorius varð unnustu sinni, Reevu Steenkamp að bana á heimili sínu í Pretoríu í febrúarmánuði 2013.
Pistorius gæti átt yfir höfði sér allt að fimmtán ára fangelsisvist, en í frétt BBC segir að sérfræðingar telji líklegt að sjö til tíu ára fangelsisvist verði niðurstaðan.
Saksóknarar í málinu hafa lýst yfir vonbrigðum sínum með að Pistorius hafi ekki verið sakfelldur fyrir morð, en að þeir munu ekki taka ákvörðun um hvort dómnum yrði áfrýjað fyrr en eftir ákvörðun refsingar.
Refsing Pistorius ákveðin 13. október
Tengdar fréttir
Dómur kveðinn upp í máli Oscars Pistorius á morgun
Hlauparinn gæti átt lífstíðarfangelsi yfir höfði sér verði hann fundinn sekur.
Dómur kveðinn yfir Pistoriusi
Pistorius á yfir höfði sér 25 ára fangelsi verði hann fundinn sekur um morð að yfirlögðu ráði.
Réttarhöldum yfir Pistorius frestað til morguns
Fréttaskýrendur segja allt benda til þess að suður-afríski spretthlauparinn verði fundinn sekur um manndráp af gáleysi þó að dómarinn hafi enn ekki tekið slíkt fram svart á hvítu.
Pistorius sekur um manndráp af gáleysi
Hann var einnig sakfelldur fyrir að hleypa af byssu á veitingastað.
Dómsuppkvaðningu frestað til morguns
Suður-afríski spretthlauparinn Oscar Pistorius var í dag sýknaður af ákæru um að hafa myrt unnustu sína af yfirlögðu ráði. Á morgun kemur í ljós hvort hann verður dæmdur fyrir manndráp af gáleysi.
Ekki sannað að Pistorius hafi myrt Steenkamp að yfirlögðu ráði
Dómari í málinu segir Pistorius hafa reynst "mjög slæmt vitni“, reynt að koma sér hjá því að svara spurningum og ekki alltaf svarað spurningum sannleikanum samkvæmt.
