Robert Lewandowski varð í gær fyrsti framherjinn til að skora gegn öllum liðunum í þýsku úrvalsdeildinni í knattspyrnu þegar Pólverjinn skoraði gegn sínum gömlu liðsfélögum í Dortmund.
Lewandowski skoraði fyrra mark Bayern í 2-1 sigri á Dortmund, en Arjen Robben skoraði síðara markið úr vítaspyrnu. Með markinu varð Lewandowski sá fyrsti til að skora gegn öllum liðunum í deildinni.
Liðin átján sem spila í efstu deildinni í þýska boltanum þetta árið hafa því fengið mark á sig frá þessum mikla markaskorara, en hann er sá fyrsti til að gera þetta í sögu þýska boltans.
Þessi 26 ára gamli Pólverji hefur leikið með Dortmund og Bayern Munchen á sínum feril í Þýskalandi, en hann gekk í raðir Bayern í sumar. Hjá Dortmund spilaði hann 131 leiki og skoraði í þeim 74 sem er mögnuð tölfræði.
Hann byrjar virkilega vel hjá Bayern og er búinn að skora fimm mörk í fyrstu níu leikjunum sínum fyrir félagið.
Lewandowski lokaði hringnum á móti sínu gamla félagi
Anton Ingi Leifsson skrifar

Mest lesið


Lárus Orri stýrir ÍA út tímabilið
Íslenski boltinn

Reif Sæunni niður á hárinu
Íslenski boltinn

Lárus sagði leikmenn ÍA hætta og stjórnendur sofa á verðinum
Íslenski boltinn






Gæti gerst hratt hjá ÍA en varaplanið er klárt
Íslenski boltinn