Magnús fékk tveggja leikja bann fyrir fólskulegt brot | Myndband

Grindvíkingurinn Magnús Þór Gunnarsson var í dag dæmdur í tveggja leikja bann fyrir fólskulegt brot á KR-ingnum Brynjari Þór Björnssyni.

Magnús lamdi þá Brynjar niður er hann keyrði upp að körfunni. Á þeim tímapunkti var KR að valta yfir Grindavík.

Þetta er í annað sinn á árinu sem Magnús lumbrar á Brynjari en þegar það gerðist í febrúar síðastliðnum fékk hann eins leiks bann.

Grindvíkingarnir Jóhann Árni Ólafsson og Ólafur Ólafsson fengu svo báðir áminningu vegna háttsemi sinnar í leik Stjörnunnar og Grindavíkur.

Hér að ofan má sjá brot Magnúsar og hér má sjá er Magnús sló í Brynjar í andlitið fyrr á árinu.