Tekjur af The Interview orðnar 31 milljón dala

Kvikmyndin The Interview hefur verið leigð eða keypt 4,3 milljón sinnum á netinu. Hún var birt á aðfangadagskvöld, en áður hafði Sony alfarið hætt við birtingu myndarinnar. Alls eru tekjur myndarinnar af sýningum á netinu 31 milljón dala eða rúmir fjórir milljarðar króna.

Þá eru tekjur myndarinnar vegna sýninga í kvikmyndahúsum um fimm milljónir, eða um 650 milljónir króna. Þó var myndin einungis sýnd í stökum kvikmyndahúsum í Bandaríkjunum. Þetta kemur fram í tilkynningu frá kvikmyndadeild Sony.

Stórar kvikmyndahúsakeðjur neituðu að sýna kvikmyndina eftir hótanir hakkara sem taldir eru vera frá Norður-Kóreu.

Á aðfangadagskvöld var hægt að horfa á myndina í gegnum Youtube, GooglePlay og fleiri síður, en í síðustu viku bættust fjöldinn  allur af öðrum síðum við.

Á vef CNN segir að í heildina haf framleiðsla myndarinnar kostað 44 milljónir dala.