Um 40 skjálftar hafa mælst við Bárðarbungu frá því í gærmorgun. Nokkrir voru milli 4 og 5 af stærð en þetta kemur fram í tilkynningu frá Veðurstofu Íslands.
Stærsti varð við norðaustanverða öskjuna klukkan 13:36 í gær og var hann 4,4.
Nokkrir skjálftar hafa mælst í ganginum, allir innan við tvö stig.
Það sást til gossins á vefmyndavélum um tíma í nótt og virðist svipaður gangur í því og verið hefur.
