BP skilar tapi vegna lækkunar olíuverðs

Breska olíufélagið BP tapaði 4,4 milljörðum dollara, jafnvirði 583 milljarða íslenskra króna, á síðasta ársfjórðungi ársins 2014.  Á sama ársfjórðungi árið 2013 skilaði félagið hinsvegar hagnaði upp á milljarð dollara. AP greinir frá.

Tapið skýrist að stórum hluta af því að BP lækkaði verðmæti birgða sinna um 5 milljarða dollara vegna lækkunar olíuverðs, en verð á Brent hráolíu féll um ríflega 50 prósent á árinu.

Ef lækkun olíuverðs var undanskilin lækkar tap BP í 969 milljónir dollar.

„Við erum komin inn í nýtt og krefjandi krefjandi tímabil með lágu olíuverði til skamms- og meðallangs tíma,“ hefur AP eftir Bob Dudley, framkvæmdastjóra BP.

BP hygst skera verulega niðurkostnað við rekstur félagsins á árinu með því að draga úr leitarkostnaði og fresta verkefnum.

Þá greiddi félagið 477 milljónir dollara á ársfjórðungnum í bætur vegna olíumengunar í Mexíkóflóa árið 2010 sem BP bar ábyrgð á. BP hefur nú greitt 43,5 milljarða dollara í bætur vegna olíuslysins, jafnvirði tæplega 500 milljarða íslenskra króna.