Bosh á ágætum batavegi

Stjarna Miami Heat, Chris Bosh, liggur enn á spítala eftir að hafa verið greindur með blóðtappa í lunga.

Þjálfari Heat, Erik Spoelstra, segir að Bosh muni losna af spítalanum fljótlega en vildi þó ekki gefa nákvæmlega upp hvenær Bosh fái að fara heim.

Hann ku vera á ágætum batavegi en þrátt fyrir það eru engar líkur á því að hann spili meiri körfubolta á þessu tímabili.

Bosh skoraði 21,1 stig, tók 7 fráköst og gaf 2,2 stoðsendingar að meðaltali í 44 leikjum í vetur. Bosh var þess utan með 46 prósent skotnýtingu.

Hér að neðan má sjá mynd sem Bosh birti á Instagram.

Thank you for all the messages, love, and support. It has truly lifted my spirits through this tough process. #Heatnation #Iwillbebacksoon #Boshfamily

A photo posted by Chris Bosh (@chrisbosh) on Feb 21, 2015 at 7:19pm PST