Nadal vann í Argentínu

Spænski tenniskappinn Rafael Nadal er aftur kominn á beinu brautina.

Nadal vann opna argentínska mótið um helgina en það var hans fyrsti sigur í tæpa níu mánuði. Það er ein meðganga.

Spánverjinn hafði þess utan ekki komist í úrslit síðan á opna franska mótinu í fyrra þar sem hann er alltaf frábær á leirnum.

Mótið í Argentínu fór fram á leir og þetta var 46. titill Nadal á móti með slíku undirlagi.

Nadal hefur verið að glíma við meiðsli síðustu mánuði en virðist vera kominn í gamla formið. Hann er búinn að vinna 65 mót á ferlinum.