Ronda til í að lemja dóttur Ali

Það skora allir á Rondu Rousey þessa dagana. Bæði menn og konur. Ronda nennir nú ekki að svara hverjum sem er en hún svaraði dóttur Muhammad Ali.

Laila Ali var frábær hnefaleikakona en hún sagði að það væri ekkert mál að lemja Rousey. „Hún er á stærð við þriggja ára dóttur mína. Þetta yrði nú ekki mikið mál," sagði Ali.

Rousey sá ástæðu til þess að svara þessari áskorun.

„Ef hún vill standa við stóru orðin þá er ég á svæðinu. Hún er hætt og búin að eignast börn þannig að ég skil vel að hún telji sig hafa yfirburði í þyngd," sagði Rousey hárbeitt.

„Þyngd og styrkur skiptir ekki máli gegn mér. Ég vinn ekki andstæðinga mína þannig. Andstæðingar mínir græða ekkert á því gegn mér."