Ljósmyndarar Vísis, þeir Pjetur Sigurðsson og Vilhelm Gunnarsson, fóru um borgina í morgun og fönguðu augnablikið þegar fólk varð vitni að því magnaða náttúrufyrirbæri sem sólmyrkvi er.
Fjöldi fólks safnaðist saman við Perluna og Háskóla Íslands og þá hópuðust nemendur Ísaksskóla út og fylgdust hugfangnir með.
Það fór varla framhjá neinum í dag þegar sólmyrkvi sjást ágætlega á Íslandi. Veðurskilyrðin voru fín hér á höfuðborgarsvæðinu og sást vel í sólmyrkvann.
Nemendur í Menntaskólanum í Reykjavík dóu ekki ráðalausir þegar sólmyrkvagleraugu reyndust uppseld í landinu og bjuggu til sín eigin. Fjöldi Íslendinga hefur tekið frá morguninn til að fylgjast með þessu einstaka náttúrufyrirbæri.
