Íslendingur slær í gegn með nýju Star Wars myndbandi

Myndband sem leikstjórinn Óskar Örn Arnarson tók saman með því að sameina á einstakan hátt brot úr kvikmyndinni Insterstellar og nýrri stiklu úr Star Wars hefur vakið mikla athygli. Yfir 35 þúsund manns hafa horft á myndbandið á YouTube en það er einnig í sjöunda sæti á forsíðu Reddit þegar þetta er skrifað.

Í myndbandinu sem Óskar tók saman má sjá það sem virðast vera viðbrögð Matthew McConaughey við stiklunni. Í umræddu atriði í Interstellar er McConaughey að horfa á skilaboð frá síðustu tuttugu árum af ævi dóttur sinnar og fjölskyldu. Hann gerir sér grein fyrir að hann er búinn að missa af miklu og brest í grát.

Vísir greindi frá því í gær að stikla úr Star Wars myndinni, þeirri sjöundu sem frumsýnd verður í desember, væri komin á netið. Þá var sömuleiðis greint frá því að tökulið Star Wars yrði við vinnu hér á landi næstu dag.

Ekki náðist í Óskar Örn við vinnslu fréttarinnar.