Sigurður framlengir við Snæfell

Körfuboltamaðurinn Sigurður Þorvaldsson hefur framlengt samning sinn við Snæfell. Samningur Sigurðar er til tveggja ára. Sigurður var á dögunum valinn besti leikmaður Snæfells á lokahófi liðsins, en Snæfell endaði í 9. sæti deildarinnar  á síðasta tímabili.

Sigurður er þessa dagana með karlalandsliði Íslands sem undirbýr sig af kappi fyrir Smáþjóðaleikana sem settir verða á morgun. Landsliðið hefur hins vegar leik á þriðjudaginn.

Nýverið framlengdi Austin Magnús Bracey samning sinn við Snæfell til eins árs.