Umræðan: Hjúkrunarfræðingur með uppsagnarbréfið í vasanum

Í Umræðunni með Heiðu Kristínu í kvöld ræddu Kristján Þór Júlíusson heilbrigðisráðherra og Sigríður Gunnarsdóttir, framkvæmdarstjóri hjúkrunar á Landsspítalanum, um uppsagnir hjúkrunarfræðinga og þau áhrif sem þær hafa á heilbrigðiskerfið. 

Í þættinum kom fram í máli nokkurra hjúkrunarfræðinga á gjörgæsludeild Landspítalans í Fossvogi að andrúmsloftið á deildinni sé mjög sorglegt. Þær áttu það allar sameiginlegt að hafa atvinnuleyfi annars staðar í Evrópu og voru mjög hugsi yfir stöðu sinni og þeim skilaboðum sem stjórnvöld sendu stéttinni um helgina. Ein þeirra var með uppsagnarbréf í vasanum og var að hugleiða hvort hún ætti að leggja það fram. 

Sjá má viðtal Heiðu við hjúkrunarfræðingana hér fyrir ofan.