Jón Gnarr með tvöfalt meira fylgi en Ólafur Stefán Ó. Jónsson skrifar 28. júlí 2015 19:25 Liðlega ár er til forsetakosninganna en Jón og Ólafur hafa báðir gefið það út að þeir muni ekki gefa kost á sér. vísir Næstum því tvöfalt fleiri vilja sjá Jón Gnarr sem forseta Íslands en Ólaf Ragnar Grímsson, núverandi forseta, ef marka má nýjan þjóðarpúls Gallup og þá nýtur þingmaðurinn Katrín Jakobsdóttir, formaður Vinstri Grænna, um helmingi meira fylgi en sitjandi forseti.Sjónvarpsfréttir RÚV greindu frá niðurstöðum könnunarinnar í kvöld en hún leiðir í ljós að 21 prósent aðspurðra vilja sjá Jón Gnarr sem forseta, um 17 prósent myndu kjósa Katrínu Jakobsdóttur en um 11 prósent vilja áframhaldandi setu Ólafs Ragnar. Þá nýtur sjónvarpskonan og fyrrum forsetaframbjóðandinn Þóra Arnórsdóttir 8 prósent fylgis, Ragna Árnadóttir aðstoðarforstjóri Landsvirkjunar er með 6 prósent fylgi og ritstjórinn og forsætisráðherrann fyrrverandi Davíð Oddsson nýtur 3 prósenta stuðnings í embættið. Þórarinn Eldjárn og Kristín Ingólfsdóttir fyrrverandi rektor eru hvort um sig með 2 prósent fylgi. Athygli vekur að fáir vildu gefa upp afstöðu sína í könnuninni, einungis 38 prósent. Þá minntust þeir sem teknir voru tali 28 prósent á önnur nöfn en þau sem greint hefur verið frá hér að ofan.Var með 47 prósent fylgi í nóvemberFylgi Jóns hefur þó fallið töluvert ef miðað er við sambærilega könnun á vegum Fréttablaðsins sem framkvæmd var undir lok síðasta árs. Þá sögðust 47 prósent styðja borgarstjórann fyrrverandi sem næsta forseta Íslands. Í sömu könnun naut Ólafur Ragnar 9 prósenta fylgis, rétt eins og Ragna Árnadóttir. Þóra Arnórsdóttir virðist auka fylgi sitt ef þessar tvær kannanir eru bornar saman en í könnun Fréttablaðsins var hún með 3 prósent stuðning en nýtur nú hylli 8 prósent fólks sem fyrr segir.Sagði í fyrra ekki ætla að bjóða sig framÓlafur Ragnar sagði í samtali við fréttamanninn Sölva Tryggvason á Hringbraut að hann hygðist bíða með að lýsa því yfir hvort hann ætlaði að gefa kost á sér á nýju. Ólafur segir í viðtalinu við Sölva að hann hafi verið lengi í embætti en „formleg tilkynning af minni hálfu mun fylgja þeim hefðum sem forverar mínir og þjóðin hafa komið sér sama” og má lesa úr því sem svo að hann muni taka af allan vafa í nýársávarpi sínu. Hann hefur þó áður lýst því yfir að hann muni ekki bjóða sig fram að ári, til að mynda í samtali við tímaritið Monocle í júní í fyrra.Í viðtalinu var hann spurður að því hvort hann hyggi á framboð í sjötta sinn. Hann sagði svo ekki vera, hann hafi ekki ætlað að bjóða sig fram að nýju í síðustu kosningum en hafi verið hvattur til þess í undirskriftarsöfnun. „En tuttugu ár í þessum bransa er langur tími,“ sagði Ólafur. Ólafur sagði í nýársávarpi sínu árið 2012 að hann hygðist snúa til annarra starfa og myndi því ekki bjóða sig til forseta að nýju, sjötta tímabilið í röð. Efnt var til undirskriftasöfnunar og rituðu um þrjátíu og eitt þúsund manns nafn sitt á listann.Jón Gnarr gaf það út í mars síðastliðnum að hann muni ekki bjóða sig fram til forseta á næsta ári. Þá var hann á dögunum ráðinn sem nýr ritstjóri hjá 365. Katrín Jakobsdóttir hefur þá einnig stígið fram og sagst ekki geta séð sig í embætti forseta. Það gerði hún til að mynda í samtali við Sigurjón M. Egilsson í útvarpsþættinum Sprengisandi á Bylgjunni í apríl á þessu ári. Gallup spurði í rúmlega 1400 manns í netkönnun 19. júní til 1. júlí: Hvern myndir þú vilja sjá sem næsta forseta Íslands? Forsetakosningar 2016 Mest lesið Rak í rogastans þegar hann las viðtalið við Bubba Innlent Ekki efni til að ákæra þá sem fötluð kona var látin hafa samræði við Innlent Aldrei séð annan eins hraðakstur eftir þrjátíu ár í lögreglunni Innlent Líkir tilætlunum Musk við lestarslys Erlent Grunaðir um að stinga mann í rassinn að tilefnislausu Innlent Bandarískur kjarnorkukafbátur í heimsókn Innlent Fundin sek um að myrða ættingja með eitruðum sveppum Erlent Árbæingar áhyggjufullir vegna umdeildra framkvæmda Innlent Fjarlægðu „óvelkominn aðila“ af öldrunarheimili Innlent Skjálfti upp á 3,4 í morgun á Suðurlandi Innlent Fleiri fréttir Tugir með magapínu eftir þríþraut við Laugarvatn „Við erum með háskólakerfi sem er fjármagnað undir OECD meðaltali“ Rembihnútur á þinginu en örþrifaráð ekki til umræðu Ákvörðun saksóknara sendi undarleg skilaboð Þinglok ekki í augnsýn og háskólarnir undirfjármagnaðir Grunaðir um að stinga mann í rassinn að tilefnislausu Ný kort sýna hvernig almyrkvinn verður á Íslandi Bandarískur kjarnorkukafbátur í heimsókn Formenn þingflokka halda spilunum þétt að sér Skjálfti upp á 3,4 í morgun á Suðurlandi Ekki efni til að ákæra þá sem fötluð kona var látin hafa samræði við Hiti nær 22 stigum fyrir austan Fjarlægðu „óvelkominn aðila“ af öldrunarheimili Rak í rogastans þegar hann las viðtalið við Bubba Árbæingar áhyggjufullir vegna umdeildra framkvæmda Aldrei séð annan eins hraðakstur eftir þrjátíu ár í lögreglunni Metfjöldi á biðlista og mögulega þarf að vísa frá Einstök litasamsetning á Prinsi Greifa Bíll í ljósum logum á Skaganum Vatnslögn í sundur í Smáralind Aldrei fleiri börn á biðlista og útrás í Kína Á hundrað og þrjátíu á sextíu götu Gul viðvörun: Brýna fyrir fólki á húsbílum að vara sig á vindinum Boltaleikir bannaðir á skólalóðinni eftir klukkan tíu Leggja til 80 milljónum árlega í nýja líkbrennslu Hinn stungni á batavegi en stungumennirnir ófundnir Nítján ára ferðamaður fannst látinn Mikill áhugi á ræktun rabarbara með tilkomu Rabarbarafélags Íslands Málþófið endurspegli ráðaleysi minnihlutans gagnvart samstíga stjórn Vill meira frá ríkinu, annars gætu nemar þurft að borga meira Sjá meira
Næstum því tvöfalt fleiri vilja sjá Jón Gnarr sem forseta Íslands en Ólaf Ragnar Grímsson, núverandi forseta, ef marka má nýjan þjóðarpúls Gallup og þá nýtur þingmaðurinn Katrín Jakobsdóttir, formaður Vinstri Grænna, um helmingi meira fylgi en sitjandi forseti.Sjónvarpsfréttir RÚV greindu frá niðurstöðum könnunarinnar í kvöld en hún leiðir í ljós að 21 prósent aðspurðra vilja sjá Jón Gnarr sem forseta, um 17 prósent myndu kjósa Katrínu Jakobsdóttur en um 11 prósent vilja áframhaldandi setu Ólafs Ragnar. Þá nýtur sjónvarpskonan og fyrrum forsetaframbjóðandinn Þóra Arnórsdóttir 8 prósent fylgis, Ragna Árnadóttir aðstoðarforstjóri Landsvirkjunar er með 6 prósent fylgi og ritstjórinn og forsætisráðherrann fyrrverandi Davíð Oddsson nýtur 3 prósenta stuðnings í embættið. Þórarinn Eldjárn og Kristín Ingólfsdóttir fyrrverandi rektor eru hvort um sig með 2 prósent fylgi. Athygli vekur að fáir vildu gefa upp afstöðu sína í könnuninni, einungis 38 prósent. Þá minntust þeir sem teknir voru tali 28 prósent á önnur nöfn en þau sem greint hefur verið frá hér að ofan.Var með 47 prósent fylgi í nóvemberFylgi Jóns hefur þó fallið töluvert ef miðað er við sambærilega könnun á vegum Fréttablaðsins sem framkvæmd var undir lok síðasta árs. Þá sögðust 47 prósent styðja borgarstjórann fyrrverandi sem næsta forseta Íslands. Í sömu könnun naut Ólafur Ragnar 9 prósenta fylgis, rétt eins og Ragna Árnadóttir. Þóra Arnórsdóttir virðist auka fylgi sitt ef þessar tvær kannanir eru bornar saman en í könnun Fréttablaðsins var hún með 3 prósent stuðning en nýtur nú hylli 8 prósent fólks sem fyrr segir.Sagði í fyrra ekki ætla að bjóða sig framÓlafur Ragnar sagði í samtali við fréttamanninn Sölva Tryggvason á Hringbraut að hann hygðist bíða með að lýsa því yfir hvort hann ætlaði að gefa kost á sér á nýju. Ólafur segir í viðtalinu við Sölva að hann hafi verið lengi í embætti en „formleg tilkynning af minni hálfu mun fylgja þeim hefðum sem forverar mínir og þjóðin hafa komið sér sama” og má lesa úr því sem svo að hann muni taka af allan vafa í nýársávarpi sínu. Hann hefur þó áður lýst því yfir að hann muni ekki bjóða sig fram að ári, til að mynda í samtali við tímaritið Monocle í júní í fyrra.Í viðtalinu var hann spurður að því hvort hann hyggi á framboð í sjötta sinn. Hann sagði svo ekki vera, hann hafi ekki ætlað að bjóða sig fram að nýju í síðustu kosningum en hafi verið hvattur til þess í undirskriftarsöfnun. „En tuttugu ár í þessum bransa er langur tími,“ sagði Ólafur. Ólafur sagði í nýársávarpi sínu árið 2012 að hann hygðist snúa til annarra starfa og myndi því ekki bjóða sig til forseta að nýju, sjötta tímabilið í röð. Efnt var til undirskriftasöfnunar og rituðu um þrjátíu og eitt þúsund manns nafn sitt á listann.Jón Gnarr gaf það út í mars síðastliðnum að hann muni ekki bjóða sig fram til forseta á næsta ári. Þá var hann á dögunum ráðinn sem nýr ritstjóri hjá 365. Katrín Jakobsdóttir hefur þá einnig stígið fram og sagst ekki geta séð sig í embætti forseta. Það gerði hún til að mynda í samtali við Sigurjón M. Egilsson í útvarpsþættinum Sprengisandi á Bylgjunni í apríl á þessu ári. Gallup spurði í rúmlega 1400 manns í netkönnun 19. júní til 1. júlí: Hvern myndir þú vilja sjá sem næsta forseta Íslands?
Forsetakosningar 2016 Mest lesið Rak í rogastans þegar hann las viðtalið við Bubba Innlent Ekki efni til að ákæra þá sem fötluð kona var látin hafa samræði við Innlent Aldrei séð annan eins hraðakstur eftir þrjátíu ár í lögreglunni Innlent Líkir tilætlunum Musk við lestarslys Erlent Grunaðir um að stinga mann í rassinn að tilefnislausu Innlent Bandarískur kjarnorkukafbátur í heimsókn Innlent Fundin sek um að myrða ættingja með eitruðum sveppum Erlent Árbæingar áhyggjufullir vegna umdeildra framkvæmda Innlent Fjarlægðu „óvelkominn aðila“ af öldrunarheimili Innlent Skjálfti upp á 3,4 í morgun á Suðurlandi Innlent Fleiri fréttir Tugir með magapínu eftir þríþraut við Laugarvatn „Við erum með háskólakerfi sem er fjármagnað undir OECD meðaltali“ Rembihnútur á þinginu en örþrifaráð ekki til umræðu Ákvörðun saksóknara sendi undarleg skilaboð Þinglok ekki í augnsýn og háskólarnir undirfjármagnaðir Grunaðir um að stinga mann í rassinn að tilefnislausu Ný kort sýna hvernig almyrkvinn verður á Íslandi Bandarískur kjarnorkukafbátur í heimsókn Formenn þingflokka halda spilunum þétt að sér Skjálfti upp á 3,4 í morgun á Suðurlandi Ekki efni til að ákæra þá sem fötluð kona var látin hafa samræði við Hiti nær 22 stigum fyrir austan Fjarlægðu „óvelkominn aðila“ af öldrunarheimili Rak í rogastans þegar hann las viðtalið við Bubba Árbæingar áhyggjufullir vegna umdeildra framkvæmda Aldrei séð annan eins hraðakstur eftir þrjátíu ár í lögreglunni Metfjöldi á biðlista og mögulega þarf að vísa frá Einstök litasamsetning á Prinsi Greifa Bíll í ljósum logum á Skaganum Vatnslögn í sundur í Smáralind Aldrei fleiri börn á biðlista og útrás í Kína Á hundrað og þrjátíu á sextíu götu Gul viðvörun: Brýna fyrir fólki á húsbílum að vara sig á vindinum Boltaleikir bannaðir á skólalóðinni eftir klukkan tíu Leggja til 80 milljónum árlega í nýja líkbrennslu Hinn stungni á batavegi en stungumennirnir ófundnir Nítján ára ferðamaður fannst látinn Mikill áhugi á ræktun rabarbara með tilkomu Rabarbarafélags Íslands Málþófið endurspegli ráðaleysi minnihlutans gagnvart samstíga stjórn Vill meira frá ríkinu, annars gætu nemar þurft að borga meira Sjá meira