Sjö leikmenn úr Pepsi-deildinni í byrjunarliði Íslands gegn Slóvakíu

Ísland mætir Slóvakíu í vináttulandsleik á Laugardalsvelli klukkan 18:00 í dag.

Byrjunarlið Íslands hefur verið opinberað en sjö af 11 leikmönnum í því leika í Pepsi-deildinni hér á landi.

Íslandsmeistarar Breiðabliks eiga þrjá leikmenn í byrjunarliðinu líkt og bikarmeistarar Stjörnunnar.

Margrét Lára Viðarsdóttir leikur sinn 99. landsleik í kvöld en sá 100. kemur væntanlega þegar Ísland tekur á móti Hvíta-Rússlandi í undankeppni EM 2017 á þriðjudaginn.

Byrjunarlið Íslands er þannig skipað:

1 Guðbjörg Gunnarsdóttir (Lilleström) - 34 landsleikir

4 Glódís Perla Viggósdóttir (Eskilstuna) - 30/1

7 Sara Björk Gunnarsdóttir (Rosengård) - 83/17

8 Sandra María Jessen (Þór/KA) - 7/3

9 Margrét Lára Viðarsdóttir (Kristianstads) - 98/71

10 Dagný Brynjarsdóttir (Selfoss) - 53/11

11 Hallbera Guðný Gísladóttir (Breiðablik) - 62/1

16 Harpa Þorsteinsdóttir (Stjarnan) - 50/8

19 Anna Björk Kristjánsdóttir (Stjarnan) - 12    

22 Rakel Hönnudóttir (Breiðablik) - 69/5

23 Fanndís Friðriksdóttir (Breiðablik) - 60/5

Hægt verður að fylgjast með leik Íslands og Slóvakíu í beinni útsendingu og beinni textalýsingu á Vísi.