Ungversk lögregla beitir táragasi og vatnsþrýstidælum gegn flóttafólki

Lögregla og herlið í Ungverjalandi beitir nú táragasi og vatnsþrýstidælum gegn flóttafólki sem reynir að ryðja sér leið inn í landið.

Sky News greinir frá fleiri hundruð flóttamenn hafi reynt að komast gegnum eða yfir gaddavírsgirðinguna sem er um 3,5 metrar á hæð. Á myndum má sjá fleiri hundruð flóttamanna flýja undan táragasinu.

Fréttamaður Sky News segir að flóttafólkið hafa kastað steinum og múrsteinum að lögreglu.

Flóttamennirnir hafa margir dvalið á landamærunum klukkustundum saman, án matar og drykkjar og án þess að fá frekari upplýsingar frá ungverskum og serbneskum yfirvöldum.

Sjá má beina útsendingu Sky í spilaranum að neðan.