Alfreð: Draumakvöld fyrir mig og allt félagið

„Auðvitað er þetta frábært, þetta var draumakvöld fyrir mig og félagið,“ sagði Alfreð Finnbogason, hetja Olympiacos, eftir að hafa tryggt Olympiacos þrjú stig á Emirates vellinum í kvöld.

Gríska féalagið vann óvæntan 3-2 sigur á Arsenal og kom sigurmark Alfreðs stuttu eftir að Arsenal jafnaði metin.

„Við höfðum trú á okkur allt frá fyrstu mínútu. Ef þú kemur hingað að sækjast eftir stigi áttu enga möguleika.“

Alfreð viðurkenndi að leikurinn hefði tekið á.

„Það var boðið upp á tilfinningarússíbana í kvöld með öllum þessu mörkum.“

Næstu leikir liðsins eru gegn Dinamo Zagreb.

„Við þurfum að næla í stig gegn Zagreb, Bayern Munchen er augljóslega í bestu stöðunni en riðillinn er annars galopinn,“ sagði Alfreð sem sagði Lars Lagerback eflaust hafa verið að horfa.

„Hann horfði eflaust á þetta, hann horfir á flest alla leikina sem við íslensku leikmennirnir spilum í.“