Stjarnan sló út nýliðana í undanúrslitum Lengjubikarsins

Stjarnan tryggði sér sæti í úrslitum Lengjubikarsins í körfuknattleik í kvöld með 91-81 sigri á nýliðum FSu á Selfossi í kvöld.

Stjarnan náði undirtökunum strax í fyrsta leikhluta og leiddi í hálfleik 50-39 en leikmönnum FSu tókst að minnka muninn niður í tíu stig í þriðja leikhluta.

Leikmönnum FSu tókst að koma forskotinu niður í átta stig í fjórða leikhluta en lengra komust þeir ekki og vann Stjarnan að lokum sanngjarnan sigur.

Justin Shouse var atkvæðamestur í liði Stjörnunnar með 24 stig en Al'lonzo Coleman bauð upp á tvöfalda tvennu með 19 stig/12 fráköst og þá var Marvin Valdimarsson öflugur með 17 stig.

Í liði heimamanna í FSu sem eru nýliðar í Dominos-deild karla í vetur var Christopher Anderson stigahæstur með 24 stig ásamt því að taka 8 fráköst. Næstur í liði FSu kom Ari Gylfason með 21 stig.