Sergei Lavrov, utanríkisráðherra Rússlands, hafnar ásökunum um að loftárásir Rússa í Sýrlandi væru ætlaðar til að styrkja stöðu Bashar al-Assad Sýrlandsforseta. Hann segir Rússa gera loftárásir á sömu hópa og Bandaríkinn og bandamenn hafa gert loftárásir á.
Lavrov sagði á fundi í Sameinuðu þjóðunum að Rússland væri að gera árásir á ISIS og aðra hópa, þar á meðal Jabhat al-Nusra, hóp sem er í tengslum við hryðjuverkasamtökin Al-Queada. Rússar héldu áfram í dag loftárásum sínum í Sýrlandi sem hófust í gær.
Rússnesk yfirvöld segjast vera að bregðast við beiðni sýrlenskra yfirvalda um að berjast gegn ISIS sem hefur náð valdi á landssvæðum í Sýrlandi og Írak. Bandarísk yfirvöld óttast að rússneskar loftárásir beinist aðallega gegn andstæðingum Assad og ríkisstjórnar Sýrlands.
Utanríkisráðherra Rússa ver aðgerðir Rússa í Sýrlandi
Tengdar fréttir
Rússar hefja loftárásir sínar í Sýrlandi
Árásirnar voru gerðar nærri borginni Homs í vesturhluta landsins.
Pútín ávarpar allsherjarþingið: Aðgerðir Bandaríkjamanna efldu Íslamska ríkið
Rússlandsforseti segir það mistök að vinna ekki með sitjandi ríkisstjórn Sýrlands gegn liðsmönnum ISIS.
Rússar halda loftárásum sínum áfram í Sýrlandi
Árásirnar í morgun hafa meðal annars beinst að uppreisnarmönnum í bænum Jisr al-Shughour í norðvesturhluta Sýrlands.
Efast um að loftárásir Rússa í Sýrlandi beinist að ISIS
Bandarísk yfirvöld hafa lýst yfir efasemdum um að loftárásir Rússa hafi beinst að ISIS líkt og Rússar hafa haldið fram.
Rússar hefja loftárásir í Sýrlandi
Rússar styðja Assad Sýrlandsforseta gegn vígasveitum Íslamska ríkisins. Loftárásir Bandaríkjahers gegn Íslamska ríkinu hafa staðið yfir í rúmt ár.
