Hrafnhildur Lúthersdóttir, sundkona úr SH, er hvergi nærri hætt að slá Íslandsmet á Íslandsmeistaramótinu í 25 metra laug sem fram fer í Ásvallarlaug um helgina.
Hrafnhildur hafði slegið fjögur Íslandsmet í dag og í gær; í blönduðu boðsundi, í 100 metra fjórsundi, í 100 metra bringusundi og 200 metra fjórsundi.
Hún bætti því fimmta í safnið nú síðdegis þegar sveit SH synti til sigurs í 4x100 metra fjórsundi kvenna. Hrafnhildur var þar ásamt Katrarínu Róbertsdóttur, Maríu Fanney Kristjánsdóttur og Kareni Sif Vilhjálmsdóttur.
Þær syntu á 4:17,43 mínútum og bættu því metið um rúmar tvær sekúndum. Það gamla var einnig í eigu SH, en það var 4:19,86. Fimm Íslandsmet komin hjá Hrafnhildi um helgina.
Í karlaflokki var það SH sem vann í 4x100 metra skriðsundi og settu einnig Íslandsmet. Þeir syntu á 3:24,24, en gamla metið var 3:35,63. Aron Örn Stefánsson, Kolbeinn Hrafnkelsson, Viktor Máni Vilbergsson og Predrag Milos voru í sveitinni.
SH með tvö Íslandsmet | Fimmta met Hrafnhildar
Tengdar fréttir
Hrafnhildur fer á kostum í Ásvallalaug og sló fjórða Íslandsmetið
Hrafnhildur Lúthersdóttir, sundkona úr SH, heldur áfram að fara á kostum á Íslandsmeistaramótinu í 25 metra laug í heimabæ Hrafnhildar, Hafnarfirði.
Hrafnhildur byrjar af krafti
Bætti Íslandsmetið í 100 m bringusundi á Íslandsmótinu í 25 m laug.
Hrafnhildur stórbætti met Eyglóar
Hrafnhildur Lúthersdóttir heldur áfram að gera það gott í lauginni.
Íslandsmet hjá sveit SH í fjórsundi
Sveit Sundfélags Hafnarfjarðar bætti í dag Íslandsmetið í fjórum sinnum 50 metra fjórsundi, en Íslandsmótið í 25 metra laug fer fram í Hafnarfirði um helgina.
