Jólasveinarnir búa í helli

Grýla setur óþekk börn í poka og borðar þau síðan samkvæmt Máneyju Þuru sem var spurð út í jólin ásamt fleiri börnum úr Seljaskóla.



Hvað gerist um jólin?

Þá koma jólasveinarnir og gefa pakka og í skóinn.

Hvað langar þig að fá í jólagjöf?

Bangsa sem getur talað á ensku. Hann heitir Furby.

Áttu uppáhaldsjólasvein?

Þennan minnsta en ég man ekki hvað hann heitir. Ég elska hann, hann er skemmtilegastur.

Veistu hvað Grýla gerir?

Hún setur börn í poka ef þau eru ekki stillt, hendir þeim í pottinn sinn og borðar.

Hvar eiga jólasveinarnir heima?

Í helli.

Hvaða mat viltu borða á jólunum?

Grillað lambakjöt og folaldakjöt.